甲州街道銀杏大道我就係高尾山大概逗留左2個半鐘多d而一般人都係會逗留到1230左右當然都要視乎大家腳程如何啦話説，點解我要搭巴士唔搭鐵路？因爲細心既朋友應該會留意到我會去甲州街道銀杏並木呢條甲州街道係超級犀利、兩旁街道佈滿銀杏樹而且距離高尾山口站都係10-15分鐘巴士車程巴士站就係鐵路站同鳥居之間 高尾山口巴士綫其實好少可以去到甲州街道既都係得兩架比埋個時間表大家，可以見到超級疏 由高尾警察署至到並木町都係最多銀杏樹既路段大家可以依照以及想行幾多既程度自己選擇係咩站落車而我就係淺川新地落車，沿甲州街道行去西八王子站但其實呢個地方係第一個令我失望既地方因爲以往10號左右係最盛開後來兩個颱風就令到呢條街d銀杏樹提早綻放我都係當碰運氣咋而我最擔心既畫面出現了就係銀杏已經頃落唔少，甚至有幾株係光禿禿 我承認當時係好失望，不過the road must go on！行下行下其實都覺得好靚，起碼全條街都叫做金黃色而且大部分銀杏樹都仲有好多銀杏係樹上 而且大家行去西八王子站途中應該會經過兩條天橋大家記得下年去到一定要上天橋影曬條街個個都係個度打卡架！點擊圖片放大 一路行下又一路影下時間都好快過 如果大家下年11月中上旬都去東京就記得去完高尾山順便行埋呢度啦一定會好靚架，我夠膽以我人格擔保！大概半個鐘就已經行到西八王子站再轉JR去到立川站去我本身最期待既景點......去景點之前大概係一點半，我都即刻去醫下個肚先我要去既景點位於立川，所以自然都係立川食Lunch 立川算係西東京都比較大規模、重要既站，商場、鐵路一應俱全有時一個地方去得太多，都唔會成日話想要特登去某d鋪頭食好似我今日Lunch就求其入左一間平民化既家庭餐廳Ｓガスト就算 Ｓガスト其實真係好適合窮遊人士幫襯大部分餐都係400-600Yen好似我叫既漢堡扒+香腸+炸雞肉薯餅餐，有埋一碗白飯同味噌湯，都只不過係500Yen另外白飯轉大盛(即係加大)都係加50Yen咋 味道唔差，絕對好過你係大家樂、大快活食野而且塊漢堡扒絕對有分量，唔係M記個種厚度 所以我推薦呢間比各位窮遊人士，唔洗下下都食松屋、吉野家我都明白有時有人會認爲：去旅行wo，食埋曬呢d普通野但站係我角度上，我可以去到東京做到自己目標既事已經係一種享受而且去食下當地人先會去既鋪頭，當自己係當地人其實都係好好既體驗不過我都理解仍然係有好多人會特登去d咩假期介紹過、Tabelog好高分既鋪頭，因爲我都曾經係，而加偶然都會係
