第二日小弟就正式出發去高尾山睇紅葉啦高尾山係東京好出名睇紅葉勝地，交通費又唔貴而且可以當行下山大家可以去到新宿站轉成京王線去到高尾山口站而且如果你打算去完高尾山就返新宿以下呢個Pass係必買！1390Yen包來回新宿+高尾山纜車來回如果平時新宿--高尾山單程388Yen，然後纜車來回950Yen如果你散搭車來回都要1726Yen 〉1390Yen所以大家識揀啦 不過其實都仲有好多組合但就一定要京王線來回，A站上車，回程就一定都要返去A站，唔可以中途落車我行完高尾山仲有其他行程，所以就無買到下面呢條Link有曬教學同唔同組合既價格，大家記得要望一望https://www.keio.co.jp/chinese_t/tickets/discount.html 我搭8點03分個班特急列車出發，但真係好多人本身想影比大家望下，但個個都逼緊入去架車所以我都好似師奶上身死命逼入去，仲比我搵到位搭到去總站高尾山口站落車，大概需時1個鐘頭左右啦所以大家要補眠就趁呢個時候，我就當然訓到劏豬咁一開眼就見到已經到站 望下後面個堆紅葉 OMG! 高尾山口站成個design都好靚 而且一出就會見到株銀杏樹係塊指示牌後面映襯住大家出發前都望下點行同點落山啦 然後就轉右手邊條小路行上去就會見到纜車站啦 途中會見到幾株生滿紅葉既樹其實都好靚啊 人生第一次見到紅葉 超興奮所以浪費左10分鐘係呢度但我一定要同大家講 欠祈唔好嘥時間係呢度！！！轉頭同大家講原因一路行去高尾山纜車站 係纜車站前面已經係高尾山第一個紅葉觀賞勝地！係紅葉啊！仲靚過頭先個啲 然後我就周圍左影右影影都唔捨得行 正當我仲想影多陣就見到點解條隊咁多人！？明明頭先都無人...... 所以我都即刻去買飛930Yen來回 其實除左有纜車之外，仲有可登山吊椅以上山不過根據圖片，係無安全帶......由於小弟畏高，所以都係唔敢搭登山吊椅老老實實去排隊搭纜車算 上山過程中都會見到好靚既景色有紅葉、綠葉等，再配合陽光照射，閃閃生煇 而且條鐵路都好斜所以大家一定要捉緊扶手先好而且一定要霸最前既站位！落左纜車之後就慢慢行上山頂因爲山頂紅葉係高尾山最大賣點沿途都係行平路通樓梯，所以都唔知當唔當自己係行緊山基本上所有人都係行1號路上山我由纜車站行到上山頂大概1個鐘多少少 上山頂途中其實已經會見到好多紅葉 而且都會有好多賣燒丸子既鋪頭 行到淨心門就係高尾山第二個紅葉觀賞勝地個度又係超多紅葉點擊圖片放大 而且又有個祈願鐘比善眾敲下大家記得先添香油錢，然後就左右各敲一下最好有人幫你將前後左右既紅葉一次過影埋相就perfect 我行行下都有少少餓買左一串燒丸子食 350Yen 丸子係好大粒，用糯米加芝麻搓成再擺係炭火隔離烤熟，最後凃上紅味噌醬但我個人就唔太中意個皮有d焦，似乎硬左少少而且我都係中意食甜食丸子有時唔一定全紅先靚見到半紅半綠其實都好特別望住半紅半綠就會不自然地有種期盼 一路行一路都有紅葉包圍自己對於一個以前從未見過紅葉既人係好幸福 而且大家可以一路觀賞紅葉，順便參拜係寺廟 難得有一小段真係似行山 終於上到山頂 好多紅葉 而且好紅好靚點擊圖片放大 逗留左半個鐘頭就慢慢落山 其實本身想行4號路落山，因爲4號路途中會有條吊橋但14/11落過雨，引致個地比較濕，比較泥濘而小弟呢個旅程著既鞋係好淺色，所以......都係放棄啦 搭纜車落山同樣霸個最前位，望住一落個段其實都真係好斜如果係過山車都應該會好刺激點擊圖片放大 我大概係11:50落山，要趕12:16既巴士落到山，見到人流仲恐怖所以大家一定要上午黎呢度啊 仲有少少時間就周圍行下見到有個攞住大碌炮既老男人隻身行去青葉橋，我又跟住去 原來係橋上影都好靚
