Han Market食飽飽之後就行下隔離Han Market之前都講過其實就好似街市只不過好多遊客既街市點擊圖片放大 +4 呢度有熟食同乾貨我知好多人都會係度買手信但我個人感覺唔平因爲同一盒G7咖啡Big C買VND45000-50000左右但呢度開價要VND65000,最後我講價講到都係50000如果係唔識講價既人就好貴啦另外如果大家要買新鮮扎肉都可以係度買 大既好似都要港紙30蚊左右而且我硬係覺得好容易"叔",所以我無買結果我地係Han Market乜都無買就走左去飲咖啡Cộng Cà PhêCộng Cà Phê係峴港一間非常出名既咖啡店除左係因爲椰子冰咖啡好多人捧場外成個格調都好似置身係歐洲一樣 而且個menu望上去都好有古典味 我地叫左招牌既Coconut Milk w. coffee smoothie其實就係椰子奶mix咖啡沙冰 因爲現場光線問題,所以唔清楚我個人感覺似係咖啡沙冰+椰子沙冰,而且係好快溶其實兩者味道好match,完全無需要另外加糖因爲本身已經超級甜有椰子清新既感覺,又有咖啡醇香味但唯一缺點就係太甜,好似雀巢咖啡Cộng Cà Phêhttps://goo.gl/maps/96iDGrfbGMz 飲完咖啡 亦宣告旅程完結下!?粉紅教堂個d都未去事關一路飲咖啡一路落大雨所以被逼cancel粉紅教堂行程 直接番酒店攞行李去機場再次利用Grab去到機場,都只不過VND26K然後就去Check in 好快就check好in,無磅我地隨身物品但隔離櫃位個地勤女人居然要磅人地個行李箱個家人2個人用一個22寸行李箱,好似成8.7kg,結果被逼寄艙而我...8.8kg唔洗地勤果然都係有部分係Hea最近UO不斷delay而我呢一班當然都逃唔過呢個命運我地由17:30 Delay到19:00先起飛飛到上上空,見到個夜景點擊圖片放大 原來峴港夜景係好靚,成個日本咁