終於係旅程最後一日我地今日行程比較舒適所以都遲左少少起身先落去食早餐不愧為4星級酒店早餐果然比起之前住個兩間好好多,選擇多好多點擊圖片放大 +2 有粥、中式包點、麵包s、湯麵、蛋、咖喱、炒麵、沙律等好多款不同國家食物我地平時說好話 做好事 存好心所以坐個窗邊位 對正龍橋食早餐 食完早餐就返上去執行李,之後再寄存然後就出發去今日第一個行程,就係去按摩啦我地選擇左峴港比較出名,而且係tripadvisor都係數一數二既Spa店Queen SpaQueen Spa係比較出名既店鋪,所以基本上都要book我地提早一日透過email book,而且對方回覆得好快,好有效率大家可以望下以下個價目表http://queenspa.vn/body-massage/massage-body-tui-thao-duoc.html我同朋友都係選擇Massage - Body lotion cream and Hot stone 90mins 我地都係利用Grab前往queen spa一係門口落車,門口保安已經過黎招待我地叫我地先係門口除鞋,換上d一次性拖鞋入去我地坐低左,乜都未講,店員已經奉上茶、餅乾同濕毛巾 個餅真係好鬼好食....又脆又香然後對一對booking資料,然後又問下我地咩位需要重點按因爲小弟打排球,所以膊同腰都想按摩師傅重點按另外又教我地少少手勢舉起手指公代表適中/OK舉起一隻手指等於細力番d舉起兩隻手指等於大力番d提示大家,一定要記住!!!然後就有一個後生妹,一個成熟姐姐帶我地上房我都唔知係好彩定唔好彩,係個後生妹負責我叫我地除曬d衫褲換上店裏面d按摩衫,我地怕羞所以無除底底 換好就趴係床度 然後就開始90分鐘酷刑!其實用hot stone幾舒服,熱辣辣但其餘時間用lotion同雙手按摩就好痛按摩師傅係用死力同骨位按落去有d位骨位撞骨位,真係同到飛起我自己本身係有肉地都覺得辛苦,更何況係我瘦骨仙朋友我比左好多次一隻手指手勢,但似乎都無用最後呢90入面起碼有一半時間都係受罪..... 同我上次係曼谷Let's relax按舒服到就快訓着差天共地但我必須為queen spa平反因爲唔同師傅手勢都會唔同你望到queen spa幾多人讚,證明應該係有實力而我係今日人品已經用左係食早餐度按完比左每人VND50K職員已經笑到見牙唔見眼,帶我地落去大堂休息無第一時間趕我地走之餘,更加準備左果汁同餅乾比我地慢慢享受 然後仲比左我地每人一支水 呢d就係服務態度啦按摩完,我地又去醫肚啦上一日係會安食完米紙春卷,就當然要試埋炸春卷我地去左間炸春卷非常出名既鋪頭叫做Tre Việt Restaurant係Pho29同之前介紹個間雪糕店隔離門口好細,但原來裏面都好大 我地叫左炸春卷"Fancy Viet Spring Roll","Hue Noodle Soup"同"Garlicky water spinach"最先黎既係Hue其實係一碗湯粉 上面鋪上生牛肉、蔥花同大蔥,同pho最唔同就係湯底其實Hue Noodle即係順化既BUN BO HUE係順化既當地湯粉,並以米粉、米綫爲主湯底係用牛尾、牛骨、豬展同好多香料熬制而成油份會比較多,而且肉味更濃稠我自己就更中意呢款多過pho,因爲真係好惹味之後就輪到炸春卷 其實同平時係香港d越X食到既相差不大但呢度炸春卷皮更薄,餡料更飽滿、扎實入面有紅蘿蔔、木耳、粉絲同d肉沫所以口感好有層次之後就係菜啦其實Garlicky water spinach就係蒜頭炒通菜 都係個句....真係好油.....Tre Việt Restauranthttps://goo.gl/maps/wpE7abo2MbL2