峴港海鮮火鍋 Hải Sản Bà Thôi係Big C買完野,一出到室外就落狗屎 我地即刻Call Grab載我地返酒店擺低野一入到房就見到酒店好貼心地為我地準備左曲奇 曲奇好香牛油味,而且係朱古力味係接近Jenny Bakery個d味,但脆d又口感d由於出面仲係天雨路滑所以我地就問左前臺既人附近食肆有咩好推介有一個靚女推介我地行5-10分鐘去到一間無乜旅客,專門做當地人生意既海鮮檔不過都有同我地講未必有英文餐牌但我地都唔care啦,既然係受當地人歡迎應該都唔差個間鋪頭叫Hải Sản Bà Thôi門面係咁 我係走個時影,所以人流唔多但我一開始去食個陣都好多人點擊圖片放大 我見好多枱都叫左火鍋,所以就問下店員"Hotpot?"然後店員好辛苦摷到份英文menu 我地先叫左份Seafood Hotpot同埋指住扇貝幅相話要扇貝海鮮火鍋VND200K附有菜、皖魚塊、魷魚、蜆同蝦雖然分量唔多,但都叫多種類另外仲附上一碟好大分量既白麵,有少少似米粉 湯底係用香茅、番茄、大蔥、蒜頭同香葉熬煮初初個味唔出,但後來加埋海鮮入去煮就瞬間變海鮮湯,真係好鮮甜! 另外個麵本身已經係熟所以只需擺係個勺度灼一灼就搞掂淋少少湯簡直就係Yi Ji Bang其實呢種食法係川菜雲南菜好常見,好多時d人食完魚煲、雞煲就會加麵入去煮 然後就係扇貝上枱! .......又係蚌,可能我地同扇貝真係一d緣分都無不過係好食既加左蔥花同花生入去烤,不單保留蚌鮮味,個口感仍然係好彈牙呢度咁多隻都只不過VND90K抵過幸福姐好多!因爲最後一個夜晚,我同大提子就食好d!決定加餸!(其實只係我地唔飽)我地加左碟蒜茸炒大蝦 VND120K 隻隻都好大,個蒜茸好夠味,連埋蝦肉好Match而且我習慣係剝頭剝腳然後擺入口再吐殼出黎咁樣就可以係食蝦肉既同時都可以mix到d汁不過就需要高難度技巧我地呢度三樣食品+兩罐汽水同d花生Total都只不過係VND440K!平均每人都係約HKD75咋!誠意推介大家!Hải Sản Bà Thôihttps://goo.gl/maps/ELd3z3M5JD92我地食完之後就已經停雨,慢慢行返去酒店途中見到原來酒店附近有貢茶!而且超多人,望過價錢牌,一杯珍珠奶茶都要HKD15左右 而酒店隔離都有一間來自韓國既Cafe點解會知係韓國?因爲個design完全就係韓國d coffee shop既裝修而且有韓文係上面 其實我間Vanda Hotel仲有一個最吸引人既地方就係有個天台餐廳/Bar,從上面望落去一定好正但因爲要消費,所以都無上去 係返到酒店之前都循例去龍橋打個卡啦而且龍橋附近,其實即係酒店面前居然有燈飾 我地酒店個門牌 寫明自己係4星 臨訓前仲特登淥兩個杯麵做宵夜右手邊就係我介紹既pho既杯版左手邊就純粹泰國酸辣味