《酒店消磨》呢一晚因爲電話卡而訓得好一般到第二朝起身其實精神唔太好但見到陽光普照都叫做緩和少少我地先行去餐廳食早餐餐廳其實係對正泳池坐露天位係可以直接望住泳池 哈哈 望落係咪好大呢呢d都係攝影效果姐都有平時泳池訓練池咁大既水深大概一米左右,屬於完全戲水池都係講左早餐先!呢度早餐選擇上熟食比起前兩晚既Adaline少而且吸引力較低不過同樣地都有湯米綫同即場煎蛋 但沙律同麵包選擇就多好多啦 Overall黎講,食物選擇對於四星級酒店有少少遜色選擇總括都唔多,味道都只屬普通果汁都無味,溝好多水食完就執野換條褲落去泳池同曬下太陽啦 呢度好多沙灘椅,而且張張都好軟熟照顧返絲打既需要先 然後都照顧下巴打門眼睛先利申定 條腿唔係我既 而且發生左一段小插曲我本身打算自拍 順便偷偷攝兩個韓妹入鏡點知....當我舉起電話個陣兩個韓妹都見到仲好主動行前少少Yeah埋一份,搞到我幾怕羞 享受左一個美好既上晝後我地返去執拾好行裝就準備check out先將行李寄存係酒店,再出去會安古城搵野食《日間會安古城》我地一心去食Cao LauCao Lau係越南中部,好似會安一帶先可以找搵得既特色麵係以乾拌形式,配上酸甜醬汁。我地去到一間外觀簡陋,但實際上十分出名既Cao Lau餐廳其實琴晚都有經過,當時超多人 我地一入到去就想叫兩碗Cao Lau點知老闆娘同我地講要2點先開始有而我當時係11點半,喊出黎結果我地叫左兩杯甜品飲下就算 其實類似紅豆冰,個英文餐單都真係叫Red bean但實際上裏面有腰豆、薏米、蓮子同紅豆,感覺似八寳粥多d而上面就有層奶同一堆冰係夏日熱辣辣 熱辣辣 好熱好熱既情況下,完全透心涼但淨係飲杯野又點會夠呢所以我地都上網睇下有無咩餐廳評分高又有Cao Lau呢而朋友再次發揮唔中意踎街邊既本色選擇左一間價格中等既餐廳 Rice Drum 我地order左一個米紙春卷米紙係硬,只要浸一浸水就即刻變軟然後包上煎蛋、生菜、生青瓜,之後再點d甜酸醬 但職員無教我地包,單純擺低就走如果可以示範埋會好d所以我包得超級核突.....點擊圖片放大 另外叫左個雞飯同琴日一樣都係一堆沙律菜係面,下面係黃薑飯結論同琴日都係一樣飯好食,但上面d菜配飯就好奇怪.... 最後就係Cao Lau 上面係炸雲吞d炸皮,雖然好脆但好厚麵條係粗身,而且好爽個醬汁......點解好似無乜味,似鼓油溝水......又無酸味雖然撈過,但麵條完全吸唔到d汁結果我地食左一半就無食我希望係呢間鋪頭整得差啦其實日頭既會安古城真係好似一個死城點擊圖片放大 我地周圍行左個圈就返酒店攞行李然後再Call Grab出番峴港