會安古城我地利用Grab前往會安前往會安嘅道路上比較落後，講得好聽就係清靜真係好似置身係大陸咁，一入到會安範圍會見到左右兩側都係田 然後好快就到達我地住嘅地方我地今次選擇左一間價錢親民、評分都唔錯嘅Village叫做Hoi An Silk Village係一間規模唔算好細嘅四星級住宿 一落車已經有職員幫你搬行李......儘管我果個係20吋細喼然後比左Passport就可以坐低等辦理Check-in與此同時都會比一杯welcome drink，其實就係一杯溝水嘅菠蘿汁因爲架車行得好快，所以d相都focus唔到然後就會有一架接載車載你去你間房點擊圖片放大 雖然設計到好似resort village但呢度就無得整棟租，以房黎出租我地嘅房就係上層，但就望唔到泳池間房都真係好大，床都好闊，兩位女士都可以同擠一張床有露台，不過就有四腳爬爬......為左等大家了解房間大細，就等我自己親身上鏡點擊圖片放大 廁所其實係我一個最唔滿意嘅地方大家可以望到塊透明玻璃，出面其實係走廊！就算我將薕簾拉落黎，都會好一條縫可以見到洗手間但好在都唔會有人經過 因爲我地一到步就落雨，所以都稍作休養先出去落雨濕濕我地就無行去/踩單車啦，都係用Grab去古城啦由於古城内係唔准車輛進内行駛，所以只可以係臨界位落車行入去雖然落緊雨，但街上都好多人 古城内好多賣燈籠嘅鋪頭而且好多鋪頭都有掛上燈籠作裝飾好有風味！ 行到去Thu Bon River人流仲多四周都係人，而且韓國人同鬼佬鬼婆居多 河上有好多小舟只要比錢就可以坐，由船夫/婦帶你遊覽但因爲仲落緊毛毛雨，d船都係濕，所以就放棄 呢條就係日本橋啦不過有個靚女攝鏡，我無心架haha 係日本橋影出去會係咁 題外話有人話入會安古城會比人收錢，我自己就未試過比人收錢啦但與此同時，我係酒店睇份會安簡介，又真係有寫入會安古城要收費所以到底要唔要收費，我其實都一頭霧水Nữ Eatery之後朋友就話不如食飯啦然後就繼續發揮佢中意食high class野嘅本色刻意選擇左一間fusion菜餐廳Nữ Eatery呢間餐廳裝修上確實好有西方小鄉郊餐廳嘅Feel 而餐牌都有越英對照但抱歉明明記得有影menu，但最後相簿又搵唔到不過可以話比大家聼，個menu係以類型分類有分Appetizer, Soup, Main Course, Dessert同Drinks不設套餐，全部散叫我地叫左一個中式饅頭夾芥末叉燒 (VND3500)係Appetizer嘅咩Bun咩Pork，大概有呢兩個字 其實都幾特別，將西式漢堡包變曬中式入面塊叉燒係用煮東坡肉嘅做法烹調雖然有少許芥末醬，但我仍然就覺得偏咸但賣相係幾特別然後我自己另外叫左個番茄凍湯 (VND4000)英文叫做Tomato Spicy Soup呢個湯我自己就好中意，可能我對湯類一向都比較中意不過朋友就接受唔到凍湯個湯我相信係用番茄蓉、少少辣椒加水擺係搞拌機打成飲落去smooth之餘，個texture你會感受到好實在番茄味好足，配上少少辣味，好惹味，亦都好開胃另外面頭有幾滴橄欖油同意大利黑醋，都係用黎增加湯嘅滑溜程度同吊味 去到主食方面我先介紹個我覺得好味嘅比大家就係呢一個麵啦 確實名稱我真係唔記得但main course只有一款麵食、一款飯食同一款肉食呢個價錢係VND 90000其實有少少似Cao Lau，我地問過，店員話No但呢個麵真係好惹味醬汁咸得黎，岩岩好撈到d麵上面脆脆地好似蝦條嘅炸物增加左碗麵不同嘅口感而且麵彈牙而我地另外都叫左碗雞飯上面有乾芒果絲同沙律菜，下面就係雞同飯 簡單黎講就係將兩種不同類別嘅野擺係一齊我個人覺得好難食尤其沙律菜入面有我最討厭嘅紅葉生菜，真係好苦.....另外d芒果絲又無味，都唔明加落去做乜雞肉係嫩嘅，飯係暖嘅(廢話)對呢碗飯完全無性趣埋單兩個人都係VND250K左右對換港紙唔算多，但係峴港、會安算係貴但呢間餐廳吸引好多鬼佬鬼婆食可能格調真係好好Nữ Eateryhttps://goo.gl/maps/s3Rd6iyuyJt食完個晚餐，我同大提子其實都只係得9成飽所以我地決定行一陣，再望望有d咩好食其實會安古城夜晚的確好古色古香周圍懸掛燈籠，更添風味燈籠顔色各異，七彩繽紛點擊圖片放大 而係橋上面，人流更加係川流不息 好多人會放呢d許願燈落水點擊圖片放大 其實成條會安古城就係咁，行多一陣都覺得悶沿路其實都有唔少擺明target係鬼佬鬼婆嘅酒吧著名越式法包 - Bánh mì Phượng行多一陣就覺得餓啦係會安有一間好出名嘅法包店，10個有9個黎會安都會去食叫做Bánh mì Phượng一去到就見到人龍超級長但都行到黎就照排啦 我地排左15分鐘先到我地點餐 但突然有班坐餐廳入面堂食嘅韓國人一窩蜂湧出黎叫野食而且店員似乎無理我地結果本身排我地後面嘅人都快過我地買到然後再等多6 7分鐘先到我地order個刻真係嬲嬲地我叫左個牛肉+蛋法包，而我朋友就叫左個烤豬肉+蛋法包各VND25000 我就覺得牛肉+蛋好味d，因爲比較juicy而烤豬肉就好似平時食嘅中式燒肉，乾身d個醬都落好重手，好濃烈但後來我發覺原來堂食係有人幫你落單係無需要排隊架！所以大家見到有人龍就入去堂食啦另外我係度叫左罐可樂飲收我VND25000，貴到喊隔離鋪都係VND12000而已而且就係我岩岩食完嘅一刻就發生左我呢個旅程一件幾不愉快嘅事情就係我張sim card無啦啦變左no service！！經過測試，係好確定係sim card出事，而非電話問題我心情跌到谷底
