巴拿山第二朝早個早餐其實同上一日差唔多係個別兩三樣熟食變左,但味道都係平平無奇所以我都唔多講啦是日行程比較匆忙皆因今日日頭要去巴拿山Ba Na Hill,然後黃昏要趕去會安今日我地9點過少少已經出左門口係酒店寄存好行李就call Grab car出發今次呢趟車費就貴啦,要成VND295K要去巴拿山就代表開始遠離市區,車程大概35Mins司機途中會係d旅遊agency面前停低 然後就會有d職員出黎兜售門票我見個價錢一樣就諗住比d錢Agency同司機袋袋平安啦所以就拎左VND1300K出黎比職員買左兩張飛你無睇錯,真係VND1300K,巴拿山門票係VND650K一個人所以其實係超貴囉! 可能有d朋友會問”點解唔包車啊?”因為包的士好多時都係最低消費大約VND500K四個鐘然後每超時一個鐘就會加多VND60-100K我地覺得個行程時間上比較難預所以都係選擇一個最flexible嘅方法反正我事先check過巴拿山其實係有好多的士同grab car唔需要擔心無車走好快就到左纜車門口然後就拎住張飛行入去乘搭纜車處 有無擔心過張飛用唔到?無喎因為Grab係一間好有規模嘅公司你搭過咩司機都係有曬紀錄巴拿山之所以出名除左因為受到法國統治時,被法國人當作避暑山莊,保留一定法國建築風格外,條纜車係世界最長同高度落差最大嘅纜車所以唔少人慕名而去,我朋友都係因為呢個原因話一定要試 今日真係超多人,排隊搭纜車都打曬蛇餅我個心都開始不妙明明上網睇圖見好少人架!點擊圖片放大 條纜車確實好長一路上山其實都望到好遠嘅地方不過留意,我用嘅字眼係好遠而唔係好靚要上到最頂需時20分鐘多d點擊圖片放大 纜車分左一段式同兩段式一段式直上Fantasy Park,但路程就較遠一般人都係選擇坐兩段式兩段式:第一段你可以去到花園、綠色迷宮、大佛、寺廟同酒窖。去酒窖路程比較遠所以大家可以選擇坐小火車前往,大概VND70000本身打算臨走前去,但最後都唔夠時間大家有時間的話就去下,因爲個酒窖都有成百年歷史第二段終點就係重頭戲啦就係充滿法國建築風格嘅地帶Fantasy Park一個有少量玩樂設施嘅樂園 Fantasy Park 最著名除左特色建築外有個手動過山車都係非常受歡迎吸引好多人去玩當我地纜車去到Fantasy Park個陣 我第一樣見到嘅就係人群,人數十分之多不過呢度就好似開嘉年華會,非常熱鬧有我地平時係主題樂園會見到嘅公仔服裝扮演等...... 我地就當然要行去打卡勝地--位處中間嘅噴水池啦噴水池再配合埋背景法國風格建築簡直置身係法國或者羅馬只可惜滿滿嘅人群成爲左我嘅報景板 行前少少就會見到一座教堂呢座教堂係屬於歌德式建築我地可以睇到教堂係擁有尖形拱門同肋狀拱頂事關呢座教堂真係由法國人建造 而且入面亦擺放耶穌被釘十字架像不過遊人似乎都只係當作休憩地方,並無細心觀察建築特色係好可悲之處 呢個Fantasy Park其實都真係有唔少打卡好地方好多角度都充滿住歐洲小鎮嘅感覺如果文青黎到應該會好開心點擊圖片放大 +2 就算係花店都仿效左歐洲小店嘅擺設方法 我地再周圍兜左一陣之後就去醫肚啦求其行左入一間西餐廳叫左一碟番茄海鮮扁意粉同牛肉Pizza 番茄海鮮扁意粉嘅海鮮完全唔鮮蝦肉係完全無彈性,青口更加有陣“up”味而番茄醬味道明顯不足,似番茄水意粉多 而pizza就相對正宗少少餅皮係薄而脆,Pizza醬汁分佈平均且提味足不過略嫌肉太少 兩個都係VND150K巴拿山餐廳唔少,不過選擇唔算多而且價錢都係around VND150K-200K都有d平價buffet,但選擇分分鐘仲少過我個酒店早餐食飽飽之後我地就去最期待嘅環節就係去玩手動過山車今日人真係好多好多所以要排好耐隊先玩到個過山車大家記得要選擇淡季/閑日黎Fantasy Park啊 因爲我無携帶action camera所以都拍唔到片比大家睇個手動過山車速度全由自己控制 有一條安全帶綁住你軌度最側大概都有30-40度如果有玩開過山車嘅朋友不妨用最快速度滑落去,真係好kimochi架不過小弟就係懦夫,所以唔夠膽到我夠膽個陣已經就快到底 個手動過山車大概兩至三分鐘左右,真心想玩多次但係手錶顯示嘅時間增長之餘,人龍都不斷增加所以我地都係打消念頭而且我地一上去就見到有巡遊,所有妝扮者都載歌起舞同遊客有好多互動,十分熱鬧點擊圖片放大 我地睇左陣,大概3點左右就搭返纜車落山我地落到第一段嘅時候就稍爲行下 哈哈 係現代西方版嘅鳥居 然後就正式離開巴拿山 但一落到山就落大雨WTF我成身都濕曬