Han Market食完雪糕,我地就走左去隔離Han Market兜個圈點擊圖片放大 其實就好似我地平時街市+市集混合版不過我突然肚痛,附近又無廁所所以逼於無奈只好離開Han Market返酒店解決……之後就開啓左我一星期肚瀉之旅我地最尾個日都再去多次Han Market買手信My Khe Beach成功解決之後,我地就去左My Khe Beach度漫步啦人地就拖女,我隔離就得個麻甩佬……WTF成個感覺都無曬 今日My Khe Beach超多人我以爲自己好似置身於星期六嘅清水灣…… (自己搵亮點啦!)比多d圖大家望望呢個靚沙灘點擊圖片放大 而且呢度好多水上活動同沙灘活動玩好似拖曳傘、香蕉船、沙灘排球等拖曳傘我見單人玩一次都唔洗兩舊水港紙點擊圖片放大 個沙灘真係好長...... 大家要留意返大部分沙灘椅都係要比錢啊!唔好亂坐,要先了解好收費點擊圖片放大 我就一路沿住個沙灘慢慢行行下行下 好快就到日落我地都坐係沙灘度慢慢觀賞日落點擊圖片放大 不過可惜My Khe Beach係東邊而太陽係落西邊所以我地見唔到個鹹蛋黃係海洋地平綫出現其實成個環境都幾靚尤其個沙灘好長,個海又一望無際如果大家住附近,不妨抽個朝早/黃昏黎呢度坐下Tokyo Bar and Beer晚餐我地就選擇左一間係另一個峴港遊記所介紹嘅燒烤餐廳叫做tokyo bar and beer 呢間餐廳形式類似韓燒同居酒屋Crossover每一張枱都會有塊烤板而且幾乎每一枱都會叫啤酒同肉燒烤 係呢度先同大家say個sorry先因爲我唔記得為大家影個餐牌,真係萬分抱歉所以只好按我描述為大家講我地叫左咩首先我地叫左一份係menu頭兩版已經出現嘅雜錦牛肉(VND399)起初我地叫個陣,個waiter超愕然望住我地waiter做左幾個手勢我地都唔明,然後就叫左個識英文嘅waitress黎Waitress一黎就同我地講“very big!”我心諗得600g可以big得去邊,攝牙罅都驚唔夠然後斬釘截鐵咁講”Yes,this one please”未夠架!我地另外仲叫左個火鍋,係價值VND299K個waitress對眼爭d跌出黎之後我再加多兩杯蜜桃熱情果茶,VND39K各一杯唔知點解要擺香茅入去....我個人唔太中意,但好在無乜香茅味 餐廳會幫我地安排食物順序:先韓燒,後打邊爐韓燒唔係用平時香港個d黑色板/或者鐵板而係一條條鐵鑲係而成嘅鐵網然後下面擺炭,保證炭火燒烤 比大家望下有咩肉啦有牛舌、牛小排、肥牛、牛扒、牛肋骨啦不過新鮮度呢....而且再附上一叠包肉食嘅菜同點肉嘅醬不過朋友白鴿肚,話怕人地d生菜污糟,又嫌棄人地d菜呢樣個樣最後我提議到時擺落火鍋煮不過……呢度都叫very big!? Very small就真 之前有睇過其他遊記都知版主形容d牛肉比職員烤到牛肉乾咁其實我都好擔心d牛肉會比職員收皮但我自己又成日烤得唔好,所以都係聽天由命好快職員就上前幫我地燒d肉我個人認爲牛肋骨同肥牛係幾好,算肉嫩但牛舌同厚肉嘅就相對一係變牛肉乾,一係就好靭而且你可以望到牛扒顔色已經變啡紅色,代表係非常唔新鮮果然食落口都無乜牛肉味 而火鍋我地就選擇左有蝦、蜆同魷魚嘅set入面都有幾塊肥牛、豆腐、雞肉、菜同一堆雜菌,都算幾豐富而且仲附送韓國拉麵(姐係公仔麵)同韓國粉絲 其實個火鍋都幾大份,而且有兩個澱粉質食品撐飽個肚我地起初以爲好細份,好似大家樂、吉野家個d點知真係成個酒樓個d邊爐煲湯底有冬陰功同香茅酸湯冬陰功入面有少少韓國泡菜,非常惹味!連從來唔食辣嘅廢鳩FD都瘋狂將食物擺係呢邊 食材方面蝦幾好,菜都正常但蜆就完全唔新鮮,入面有沙,而且有少少腥臭味公仔麵果然係打邊爐最佳配搭!整體感覺呢間餐廳個價算係峴港都幾貴而且呢間餐廳選擇多樣化,有壽司、韓燒、邊爐、飲酒小食但食物質素比我想象中低,at least我覺得性價比如果高d就更好如果可以再揀,我會想試下其他餐廳多d不過呢度確實好熱鬧,好多人都左一杯啤酒右一杯啤酒 而我見到隔離枱,5個人都係叫同我地一樣嘅野終於明白點解侍應反應大最後我地埋單total 成VND800K左右而且溫馨提示!擺係枱面嘅濕紙巾係逐張逐張計錢比呢間鋪跣我一鑊添,又做水魚