《Adaline Hotel介紹》第二日基本上峴港絕大部分酒店都會包早餐而大多數都係自助早餐,Adaline如是 Adaline早餐款式比我想象中多有沙律、冷盤、熱食同生果等而且更加設有麵食專櫃同雞蛋專櫃 你想食炒蛋、奄列、太陽蛋都統統可以任你選擇不過提前係廚師要聼得明好似我一開始一位女廚師就聼唔明我講omelette,但過一陣轉左位廚師就明omelette意思而且廚師住太陽蛋功力都ok架望下流心程度就知 是日早餐主要以泰式及韓式為主好似咖喱薯仔排骨、炒公仔麵同飯味道都相當正常而另外左下角嘅酸甜肥豬肉好正,其實係香港東坡肉d fd走左陣青椒味而底下個越南米卷餡料豐富,點下個甜酸醬真係好開胃 另外碗越南米綫都還可以湯底無味精,入口純得黎又夠香料味,又唔會好濁 你都見到我全部都係挑選高熱量、碳水化合物就知我早餐一定要食好飽,否則我會好易暈食完個早餐就參觀下個酒店啦但其實都係八個字 - 麻雀雖小,五臟俱全頂樓有一個泳池...應該係戲水池至真 隔離會有個mini bar(可吸煙) 有對韓國父子係度玩水好似好happy 然後…完但個泳池我又覺得幾靚本身已經有幾張沙灘椅比大家曬下太陽,感受下呢d陽光風情而且都有少量凳比兄弟知己飲下野望下四周不過最吸引人都係望出去個景係可以望到My Khe Beach 雖然個view就無沿海d酒店咁正但都叫做值回票價離遠有個觀音像 個度其實就係靈應寺,不過我就無plan去啦因爲寺廟呢d其實香港同大陸都一大堆五行山之後就正式出發去五行山其實去五行山係我提出話一定要去!之前係其他遊記見到五行山有個山洞,光線會係個口照射落黎好似神光一樣我印象好深刻,所以一早mark低左一開始介紹左Grab,所以我當然係搭Grab啦第一程就已經用左送嘅VND50K啦,呢一程完全唔洗補錢 只不過短短15分鐘路程就到左五行山一落車就會見到好多呢d玻璃、陶瓷製品,擺到明都係做遊客生意 其實要上五行山有兩個方法1. 徒步10分鐘上山就可以成爲登上懸崖峭壁的女子2. 乘搭隔離升降機,單程VND10K我自己係懶鬼,見都係幾蚊雞就由佢所以就行去升降機隔離有個Counter買飛 記得上五行山係要門票架門票都係呢度買就得VND45K買完就可以去搭Lift啦點擊圖片放大 呢個就係步行上山嘅地方 搭緊lift可以望出去見到好靚景色 一出lift已經會見到四周景色怡人點擊圖片放大 一路行,其實都好富有佛教同中國風味因爲佛教係越南其中一個最common嘅宗教(另一個係天主教)所以好多寺廟同佛像、觀音像另外中國都曾經四度征服越南,因此都留低左好多中華特色,好似屋頂有龍、漢字等等點擊圖片放大 終於去到一個山洞啦!我抱住萬分期待行入去 咦 有尊佛像嘅 一定係後面條小路上去啦!我就跟住人群行上去大家上去個陣要小心d 上到去發現個洞要做雲通洞(Van Thong Cave)我估係有直上雲霄之意 望下頭頂Um...係有光射落地下 好似舞台劇個d燈光效果,不過唔係網上面見到果個前面好似仲有得上,點知真係要爬上去 以爲一定會係世外桃源點知真係別有洞天,見到個天 而且d路好難行,石頭好滑行多兩分鐘就會置身係五行山山頂雖然站在高崗上望到嘅景色好開揚但真係有少少難行之餘,係會覺得自己呢個行動好多餘點擊圖片放大 見到有d小食檔買自稱冰凍嘅椰青買左一個兩份share 我問"how much?",個阿婆load左一load先答我VND40K我心諗:都唔平wo,不過阿婆都聼得明英文,犀利 飲左一啖......Ok 唔凍嘅 頂我後來見到阿婆隔離原來有塊menu - 椰青 VND30000即刻屌左出聲,難怪阿婆load左陣先答我原來係盤算緊可以係我呢d水魚身上刮幾多民脂民膏不過都唔怪得人,只可以怪自己蠢又on9望望地圖發現原來前少少都有個洞玄空洞 (Huyen Khong Cave)即刻起程啦就係呢度行入去 又見到有觀音,順便叫你添香油錢我就左轉入去個洞算 行入少少嘩,好靚啊,係我上網望到嘅畫面呢度有幾個窿都可以等光線射入黎 成個感覺好似充滿仙氣,我都係度影左唔少相不過好多都有樣,費時show比大家睇我怕差人叔叔拉我告我影響市容點擊圖片放大 +2 不過去到12點幾1點個陣光線已經開始消退,太陽向左另一邊射其實成個感覺都好似去左大陸個d寺廟、洞穴不過我都一路提醒自己我身在越南,自我感覺都良好d我地周圍行左個圈就落山同樣地回程都係選擇Grab行到成身汗返酒店換件衫先再繼續行程