峴港其實呢兩年得益廉航嘅興起,我呢d窮撚多左好多出國旅行嘅機會係呢兩年間去過新、泰、日、台、韓、中等亞洲國家不過有好多都無靚相,而首爾泰國呢d已經太common我都唔想浪費時間開post講真,我自己真係對東南亞國家無興趣因爲天氣太熱,我係散熱比較差嘅人,好容易會暈。加上我本身份人大汗但點解今次又會去越南呢?自打嘴巴?其實係因爲我另一位朋友想去,當係陪下佢我遊記裏面部分相都係由我朋友提供今次係我同朋友第一次去越南,選擇左峴港呢個近呢一兩年先開始冒起嘅城市峴港相對芽莊同胡志明市就比較落後,但都有好出名嘅景點而且去越南旅行嘅好處係消費好低你地都見到我呢兩年total去左8-9次旅行就知我已經所淨無幾 呢個trip以個人黎計,我用左HK$3100多少少主要係搶唔到UO megasale機票,得次等平機票以下全部都係以單人計算(HKD) 機票:800 酒店:715 交通:250 飲食:480 門票:220 Visa:250 電話卡:50-60 其他消費:約350而事實上,因爲朋友比較中意食大餐廳野食,所以食方面唔算少如果係我自己去,肯定會一半掃街/踎街邊,一半餐館----------------------------------------------------------------------------------------------------------簽證去越南,持有特區護照定中國護照都要辦理簽證。而持有BNO人士,根據越南駐港領事館所講同樣都係不獲簽證!有人嘗試闖關成功,都只不過係因爲遇上左個蠢到極嘅關員先矇騙過關。奉勸大家千萬唔好亂試啦~要簽證要兩個辦法:到越南駐港領事館申請,保證正常人100%有。帶同護照正本、兩張證件相同填好嘅表格交去,然後擺低HK$640,等幾日就有。當然,如果你好急趕去要快証,比多d錢咪得囉上網搵越南代理向入境部門申請,當然要比錢越南代理,一般都係USD6-10,然後過兩三日如無意外就可以得到批核。代理會email封Approval Letter同Visa申請表比你,記得Print好同填好,到時落機去到越南簽證櫃檯直接比form比letter同最緊要比Cash USD25。呢個方法固然平好多,不過都有風險,就係未必一定批比你,但基本上9成9都會批。所以你識揀啦~我自己就係用呢個代理http://www.cheapvietnamvisa.net/不過呢d代理唔好嘅地方係封Approval Letter除左你自己個名同Passport no.外仲會有埋其他申請者個名同資料換言之,其他人都會見到你個人資料如果你重視私隱保障就唔需要選擇呢d代理2019年3月更新!!!!!而家去越南已經可以直接係網上申請,無需再經代理啦----------------------------------------------------------------------------------------------------------交通交通方面,峴港,甚至整個越南都係以單車、電單車爲主。係峴港基本上要搵巴士係無可能,得個d長途巴士,所以一般旅客都會選擇以的士代步。越南的士有三種顔色,綠白黃。其實分別只不過在於唔同公司,同埋每公里價錢爭左1-2毫子,所以不必介懷。不過要留意,如果要搭的士,記得一定要上身穿制服嘅司機,而且上車記得要講kilometer,保證用咪表計。不過,我係度其實係想推薦另一樣交通工具比大家,就係Grab Car啦。Grab其實同uber模式一樣,都係自己係app輸入起點同終點,然後app就會話埋比你知確實價錢。我問過酒店職員,職員都同我地講Grab基本上係平過的士。不過要留意Grab自己都有出Car同Taxi,記得一定要選擇最平嘅Car!App有英文版,所以大家應該都可以輕鬆運用。不過要留意,Grab申請個陣係需要用到電話接收認證碼,所以一係係香港申請定,一係就買張可以打電話嘅上網卡。 已經申請成功,其實就無需要再用到電話,App内置都有得收發msg,方便乘客司機溝通。另外大家記得第一次用個陣係 “Promo”度輸入“VNMAP”呢個Code就可以有VND50K Coupon比你搭車用。萬一失敗,你就google “Grab promo code vietnam” 就會有好多類型嘅code。而且Grab係可以儲分,儲夠一定數量嘅分又可以換discount coupon繼續用。事不宜遲,就即刻開始遊記啦----------------------------------------------------------------------------------------------------------香港去峴港可以選擇坐港龍或者HK express我呢d窮鬼當然係選擇後者。星期日出發,係16:30出發。 不過大家都知最近UO狂delay,當然好多航空公司都係所以我都Delay左大概9個字先出發。不過好好彩,居然幫我地免費upgrade較寬嘅位置等身高1.78米嘅朋友坐得舒舒服服 因爲唔記得斟水又好口渴,所以捱貴買左支$30嘅水... 峴港係慢香港一個鐘,我地係當地時間6點半左右落機去到峴港機場,真係好細.......同我上次高松機場有得揮。搭返架接駁車去關口,一落車行入去其實就已經可以見到簽證櫃檯 即刻將所有野比職員,然後企埋一邊等叫名。叫到你名,去攞返曬d資料就得,Passport入面已經貼好左個visa成班機大概8成人都係選擇落地簽証,所以你懂的。之後就可以比關員檢查,正式進入峴港啦!一過關就會見到幾間電訊商兜售電話卡,好多人都係度買 我費時煩,所以都直接係度買每一間d plan都好類近,係價錢可能爭dd不過都係大概USD5-7 我就係呢度買左張3.5GB+10Mins通話,盛為USD7而友人就買左USD6 無限量Data最後我張卡係旅程中途出左事,容後再說!一出檢查閘轉左會有兩三間找換店,其實個價都唔錯USD1:VND22600/22500大家可以唱定少少FYI BIG C入面唱得21700, Han Market附近金鋪係22100 (當時嘅價) 大家都望到原來美金面值不同,匯率都會唔同所以大家記得盡量準備面值USD50/100而帶港紙黎換都得,但對比起美金就爭少少我終于可以做百萬富翁啦 我地當時無即刻Download Grab想快d返酒店所以直接上左的士去我地第一晚嘅酒店 連埋個類似tax嘅收費居然要VND90K!?而事實上我走個日由龍橋去機場都只不過VND43K可能個咪錶.......因爲後來我試過用Grab測試過機場去Adaline都只不過VND70K左右我地頭兩晚會住係位於My Khe Beach附近嘅三星級酒店Adaline Hotel之後兩晚就分別會住四星級酒店唔好問我點解唔住超多人推薦嘅A LA Carte因爲我去嘅日子A LA Carte一晚要HKD800,小弟實在負擔唔起。而小弟book嘅Adaline只不過340一晚。Adaline個門面還可以啦説不上豪華,但乾淨企理 比大家望下我住嘅房啦麻雀雖小 五臟俱全 Total兩張單人床枕頭同好多酒店一樣都係極度淋不過床墊就比較舒服從大玻璃望出去會見到馬路打側少少會見到My Khe Beach但係好辛苦先見到 (係第二朝7 8點影)不過最怕羞都係浴室係有塊透明玻璃面對住床雖則都係巴打,但要肉帛相見都好怕羞 放心,其實沖涼位有得落簾,保護自己,免受友人目光姦視安頓好之後就即刻出發去醫肚啦我地第一餐就決定食海鮮啦My Khe Beach附近有好多海鮮店,有唔少都廣受旅客歡迎我今次就選擇左呢間Quan A Hanh 一般遊客都會稱之爲幸福姐,裏面位老闆娘識少少普通話所謂嘅普通話就係非常不純正發出餸菜名另外比個中文menu你望下,可以跟住menu叫菜再配合少量英文單字Steam,Fry,Hotpot就可以 我朋友好中意食扇貝(VND500K/kg)所以都叫左大概半kg少d嘅扇貝另外加多1/4kg嘅花蛤(VND450K/kg)同一碟炒通菜花蛤(VND90K)色水都ok,用辣椒炒得都幾香不過汁有d多,如果可以再收一收會更好而花蛤新鮮,食落去並無任何臭味,肉質軟嫩,而且好索味有少少後悔無叫多d 而個碟通菜就係用蒜蓉同好多鹽炒超個陣應該係落極多油,成碟菜超級油但火候都ok,你見碟通菜色澤都知得分係純粹太咸同太油VND40K 最大伏出場啦!頭先講到朋友好想食扇貝,所以我地叫左少少 咦!?乜呢d係扇貝咩?明明就係大蚌我同友人爭d眼珠都突曬出黎,因爲餐牌上面另外都係有蚌呢一行但因爲言語不通,我地點問個老闆娘都好似雞同鴨講,最後我地唯有屈服事實上味道係ok無乜醬汁嘅情況下明顯食到蚌嘅鮮味加埋上面d香口花生同蔥,口感同層次都好豐富,有別於香港會擺蒜、芝士但真心好失望啊呢餐我地食左VND360K,算平但應該叫多d,因爲實在唔夠飽!另外,如果係街邊海鮮檔食飯好多時你會見到有人向你兜售糖果、生果 你只要講聲no就可以,唔會再煩你而我地買左盒芒果(VND20K),出發前已經得知呢d芒果係十分之乾一試,果然無水分、無乜甜味,不值一試!由於未食飽嘅關係見到酒店附近有d街邊檔賣法包 作爲越南著名食品即刻買返個同朋友兩個share會塗上豉油、辣椒醬、少量蝦醬然後再塞入肉鬆、青瓜、蘿蔔絲、扎肉同好似肴肉嘅物體點擊圖片放大 而且法包會先烘熱,令外皮變脆。整個包好豐富,而且熱辣辣食真係好正 當我地上到房已經搞掂左各自嘅半個法包結果……我地又再落去買多次今次仲要一人一個 每個都係VND15K咋!計返港紙都係5蚊不過奉勸大家,如果平時譚仔食開清湯,或者酸辣都覺得辣嘅朋友你記得要講less spicy / no spicy因爲d辣醬都有少少辣,但又好惹味攤抖左一陣就正式進入夢鄉展開尋找周公之旅