《離開德島》 終于要離開德島 有少少唔捨得 因爲漩渦、祖谷蔓橋、阿波舞真係令我大開眼界 但無奈地我只有短短6日 之後又要回歸香港 雖然小弟係學生好多假，但問題係無錢 今日行程比較休閒 所以今日都成7點幾先起身 然後就行黎德島站搭車 由於今日乘搭嘅列車不設指定席 所以我都早兩個字黎排隊 果然已經好多人 今日早餐同頭兩日一樣都係來自7-11嘅飯糰 我5日内已經食左4個阿波尾雞飯糰 可想言之幾好食！ 不過個牛肉就一般，餡味道好，但飯太多 西日本好多車站都係會出現呢d設計 就係無人看管嘅雪櫃 乘客攞完貨品就自覺地行去隔離個窗叫職員幫手結帳 我敢保證如果香港都有呢d設計 個雪櫃應該好快空之餘，警察又會多左野做 講左咁耐，都未同大家講我今日去邊 (其實P.1已經講左) 今日要返香川縣啦 而我第一站就係栗林公園 《栗林公園》 唔洗一個鐘已經返到呢個熟悉嘅站 就係我第一晚住嘅酒店隔離個站 自己跟住Google map行啦 一直向前行 行到見到"肛門外科"嘅牌就右轉 行多2-3分鐘就會見到琴平電鐵栗林公園站 繼續向前行 栗林公園入口就係你面前 入場門票只需要410Yen 點擊圖片放大 栗林公園其實係好有名氣 無論名氣定内涵都唔輸比日本三大名園(岡山后樂園, 金澤兼六園, 水戶偕樂園) 甚至有日本教科書寫過"高松之栗林公園 木石之雅趣卻較此三公園為優" 另外栗林公園都係一個好著名賞櫻花/楓葉/銀杏地方 每年一個呢d時候就會人山人海 但可惜以上嘅日子我都要考試上堂sosad 由於我5月去 四周圍都係綠色，無乜其他顔色 呢d好多湖泊 陽光射落去 分外耀眼 點擊圖片放大 +3 一入門口行前少少就會見到呢棟野 都係d資料舘 你地可以當係乘涼處就得 點擊圖片放大 空地多 所以都吸引好多雀仔 點擊圖片放大 等極都等唔到阿伯走開 惟有攝埋你入鏡啦 呢度個掬月亭成日都會有新人係度行禮 配合埋個湖泊同綠葉 match到爆啦 點擊圖片放大 +2 而且呢度可以坐船遊覽 印象中唔貴 但栗林公園又唔係大 名副其實嘅林蔭大道 對呢幅有無印象呢？？ 係啦，就係UO高松航綫個cover photo 有俯視就當然要有仰視 之後就有側視 點擊圖片放大 其實栗林公園我個人覺得有少少人工化 但唔假，望上去會覺得係全自然嘅 (唔係全智賢啊！) 410Yen係好值得去 不妨抽1.5-2個鐘行下啦 點擊圖片放大 +3
