《德島拉麵 [ 東大 ]》 睇完表演已經20：45 我已經餓到不行了 之前都講左我今晚會食另一間著名德島拉麵 德島東大 由阿波舞會館行過去都係10分鐘左右 一去到 多人到呢..... 我要排幾耐啊頂 一路等一路等 等左40分鐘終于排到較前位置 我前面條友買完飛，我又跟住去買飛 呢度同麵王排隊分別在於 多人個陣麵王係買左飛先去排隊 而東大就係排到咁上下先去買飛 東大價格上就比麵王貴dd 好似德島拉麵就貴100Yen 但其實貴左係有道理架 點擊圖片放大 根據琴晚係麵王嘅經驗 肉一定要多，因爲真係好好味 所以我就叫左個肉增 780Yen 另外加左8隻餃子330Yen 好快就到我入去啦 東大座位大概有20個左右 點擊圖片放大 我碗麵 咦，有隻蛋嘅？？ 又話唔食生蛋嘅 係因爲我朋友叫我一定要加蛋試 我又覺得試曬兩種方法都係好事，所以勉爲其難就加左 而且東大嘅蛋係免費加！ 擺係檯面任你加，加幾多都得 而且都有辣芽菜 正 但我覺得麵王芽菜入味d 整體個麵其實都好唔錯 湯底都好濃稠 加左蛋，個湯的確滑d 但我個人都係中意唔加haha 肉方面，麵王稍微淋d，但東大就味濃d 各有千秋 而餃子方面，都好細隻 完全係一口餃子 而味道方面..... 一黎，我覺得作爲煎餃無個種熱氣嘅Feel 二黎，入面都頗爲空心，肉好少 三黎，如果唔點汁或者淮鹽，真係完全無味..... 係我非常失望嘅地方 我上網見唔少人讚麵王餃子正 不過無機會再試 兩間其實我都覺得好食 但我個人偏向麵王多d 因爲麵王交通位置比較好 而東大就係榮町個邊就稍爲行得遠d 我由夜晚9點開始排隊 結果10點40分先返到住所 另外榮町夜晚其實都叫有人 而且都好多食店 大家都可以行下 雖然真係無乜好行 牛角都有啊 點擊圖片放大 +3 而且係東京大阪成日都會見到嘅無料案内所 係呢度都會揾到 唔好問我係咩黎 一河之隔 近德島站呢邊就真係靜好多 東大 係另一間超受歡迎既德島拉麵，每晚8點後一定排曬長龍。東大d生雞蛋係免費！！！ https://goo.gl/maps/KcGZAmz492q
