《眉山夜景》返到去德島站當時大概5點45分我就慢慢行過去下一個目的地阿波舞會館其實係德島行一直向前行就會到都係10-15分鐘左右 肚餓，所以係7-11買左塊炸雞扒OMG 好鬼juicy而且好入味 好快就行到去阿波舞會館 阿波舞會館隔離有個細神社德島眉山天神社聽聞主要負責戀愛同事業 搭lift上5樓一出轉左就會見到有部售票機 無錯我而加係買飛上眉山睇夜景啊！眉山係少數可以飽覽所屬市内嘅觀賞地而且特別多人夜晚上去睇夜景尤其你都知德島夜晚真係無乜野做啦平時搭纜車上眉山來回要1020Yen但如果17:30之後先上去，來回只需610Yen！當然你都可以選擇行路上山好啦我準備上山啦 呢一日德島日落時間大概係18:45左右所以我上到去個陣都仲係藍色天空 然後望一望相反方向原來係呢邊日落 係眉山公園有個唔記得係咩平和紀念塔 有少量非綠色植物 行下行下 天色開始泛黃 繼而開始變暗淡 大廈開始亮燈啦 咸蛋黃都無埋 上到山其實真係好凍我個日短袖衫短褲凍到hihi如果大家覺得凍就可以暱入去呢棟野有梳化坐 但事實上我有d失落係因爲最後一幅相係19:30影當時個天仲未黑曬我以爲由日落起計45分鐘已經夠個天黑曬有d失望點擊圖片放大 +3 所以如果大家夏天去德島不妨將眉山夜景同阿波舞分開兩晚黎完成順便攝下夜晚時間而我之前話過我德島安排失當就係將眉山夜景同阿波舞擺係同一日搞到我上一晚悶到喊返到落去阿波舞會館由5樓搭lift去2樓，就會見到個櫃檯你可以係度買阿波舞表演嘅門票夜晚個場價值1000Yen 我提早15分鐘入場已經見到唔少人坐係度不過大部分都係有返咁上下年紀嘅大家自由入座就得 阿波舞係德島傳統祭典舞蹈每逢8月中德島都會有阿波舞祭，非常熱鬧阿波舞看似舞步單調而重複但實際上就好講究手腳要一致並配合韻律主要配樂來自三味線、大太鼓、締太鼓、笛同鉦都係日本傳統樂器舞蹈開始前2分鐘樂手們就已經各就各位 抱歉跟住落黎嘅相質素一般因爲當時我係一手渣相機影相一手渣電話錄影所以難免控制方面差d 正式開始啦點擊圖片放大 然後中間有個環節係會邀請臺下觀衆上黎一齊跳阿波舞大家千祈唔好怕羞啊上去玩下啦不過我就因爲要影相所以無上到去(藉口)分男女各自邀請點擊圖片放大 +2 完左呢個環節就繼續由舞者表演阿波舞點擊圖片放大 +4 比大家望下片啦但質素都普通---------------------------------------------------------------------------------------其實阿波舞算唔上咩十分精彩嘅舞蹈表演但個舞蹈呈現左男性嘅剛柔並存亦同時展現女性嘅婀娜多姿而且音樂清脆又不失熱情舞蹈同音樂互相配合，比人一種熾熱嘅感覺令人心情都會好舒暢簡單又不失個性，熱情又滿載感染力我自己就睇得好投入但我估對部分年輕人黎講可能就會覺得悶畢竟無個種强勁節拍，舞蹈又唔夠大範圍但我會覺得既然一場黎到就親身去感受下畢竟感覺呢家野好主觀我對食同表演睇法都係無分好壞分嘅就只有適合自己與否
