《鳴門漩渦》 今日主要嘅景點係我好期待嘅地方！--- 鳴門漩渦 鳴門漩渦係世界著名三大漩渦之一 但唔係成日都有 一定要個一日嘅潮汐先有得睇 而且漩渦壯觀度、大細就視乎當時嘅潮汐程度 潮汐程度分爲大中細 大家可以click下面條link check下每一日潮汐情況 https://www.uzunomichi.jp/tide-calendar/ 大潮汐前後2個鐘内；中潮汐前後個半鐘内；細潮汐前後1個鐘内 係最適合觀賞漩渦 要去鳴門首先就要搭車去JR鳴門站 然後就係鳴門站前面個巴士站等車就得 點擊圖片放大 大家要望清楚巴士時間表 其實德島站係有巴士直接去鳴門 但呢架巴士其實都會經鳴門站 所以慳得一蚊得一蚊啦 我係巴士上面結識左一對老邁嘅美國夫婦同退休香港夫婦 我仲全程用我半桶水嘅英文同美國夫婦溝通之餘 更充當兩對夫婦之間嘅翻譯器 順利為香港爭光 沿路環境都ok 不妨張開雙眼望望 小鳴門橋 鳴門橋 點擊圖片放大 車程大概25分鐘 就會到我目的地"龜浦口" 係呢度落車原因得一個 就係要係うずしお汽船 Whirlpool ride boat house坐觀潮船出海睇漩渦啦！ 其實係亀浦観光港都有另外一間觀潮船公司うずしお觀潮船 但因爲價錢就貴d 而且分大船同細船 細船就再貴d 加上我上網睇話大船就無咁接近漩渦 所以係又係細船又平d嘅情況下我選擇左搭嘅うずしお汽船 行入去買飛就可以去登船 點擊圖片放大 價錢為1550Yen 大概半個鐘遊覽 而且我都係同兩對夫婦一齊去睇漩渦添 我自己本身好怕坐船 我係個d去一次澳門會來回嘔一次，去長洲著陸之後會用1個鐘休息嘅人 但架船開得好快又定 所以我都好舒服 各位一定要企船邊 企中間乜都無得睇 鳴門大橋 點擊圖片放大 鳴門大橋下 點擊圖片放大 當一過左鳴門大橋 就代表漩渦已經有啦！ 我呢一日潮汐係細 所以漩渦其實都唔太明顯 拿，大家望望凹入去個位 點擊圖片放大 +6 去到漩渦一帶船身好抛 真係好難捕捉到漩渦 搞到影親d相都唔明顯 激死我 其實有好多漩渦 連呢d迷你型都係漩渦黎 點擊圖片放大 從相片睇或許你覺得無乜點 但當你親身去到，你就會覺得好震撼 我好期待大家係大潮汐出去睇 記得番黎share比我聼 個對美國夫婦仲不斷讚話好正 《渦之道》 坐完船 我就即刻趕去渦之道 渦之道係鳴門公園附近 由龜浦口行上去都係15分鐘左右 從呢條樓梯行上去 然後行左手邊，之後一直行 就會見到渦之道入口 點擊圖片放大 買入場費就可以入去啦 但係呢 如果你搭完觀潮船就記得keep住張飛 然後去counter買飛 因爲可以平100定200Yen啊 然後就可以凴飛入場 渦之道其實就係鳴門大橋底部 有畏高者都會有少少驚，亦即是小弟是也 點擊圖片放大 大家可以從玻璃睇到漩渦情況 但我去到個陣已經波平如鏡 點擊圖片放大 不過當望下景色都可以 點擊圖片放大 +3 《鯛丼》 之後去醫肚 我知鳴門最出名係鯛魚 所以都特意一試 本身想試可以望住海景食飯嘅潮風 但可惜鋪頭係又多人 所以去左另一間都好多人幫襯嘅 但因爲日文名 我唔識 樓下係手信店，而樓上就係餐廳 點擊圖片放大 餐牌 唔好問我d日文 因爲我都唔識 但我叫左鯛丼 1950Yen 因爲見絕大部分人都係叫呢個 成個set就係咁 放大d比大家望望個鯛丼 係咪好晶瑩剔透呢 好啦 我試啦 .................. 我好少話新嘗試嘅食物難食 所以我一般都會話"唔岩我口味" 首先魚肉係屬於有"口趙"頭個種 其次魚肉我個人認爲無我地一般認爲嘅鮮味 應該話係無味 都唔係無味嘅，有少少腥味 而且飯裏面有種香草，我唔知咩黎 因爲太細塊成日會撈埋左係d海帶入面 但真係太濃味，我自己頂唔順 overall我會覺得鯛魚刺身從口感同味道都並非我杯茶 我後來有上網望過 原來都有好多人同我一樣都係持負面意見 但當地人又好似食得津津有味 愛試特色野嘅大家不妨試下 《千畳敷展望台》 食完飯就係隔離嘅千畳敷展望台望下大橋 都好近距離，而且免費 點擊圖片放大 +3 然後我就行返上去 去另一個展望台お茶園展望台 同樣地都係免費 不過距離就遠少少 點擊圖片放大 +4 之後就落番公園樓梯度搭車返鳴門站 比埋個班次表大家 點擊圖片放大 うづ乃家 鳴門最出名係鯛魚，呢個係其中一間比較多人既餐廳。味道呢....不如睇返我上面d講評啦 https://goo.gl/maps/JyLbGddWgd12
