《大步危峽》 去番巴士站等車去大步危峽 而一開始同我同車嘅5個香港人都同我一樣行緊去巴士站 相信係去大步危峽 果然最後我估計無錯 但我始終無勇氣撩人地講野 呢程車我無記錯大概要720Yen 大概半個鐘多dd就會到大步危峽觀光船 我第一時間就去買觀光船飛 係收費處前面有d form要填左先 填好就去呢度比錢比form 一程船1080Yen 有少少貴 我無立即去搭船 因爲我真係餓到飛起 所以我就係收費處隔離個餐廳食飯 好方便 買飛 然後將飛比餐廳入面d姐姐就得 我叫左個咖喱豬排飯 咖喱少少甜，有少少似平時aeon/uny買到嘅咖喱包haha 但豬排好正，係新鮮炸出黎 好脆口 而且炸粉唔多 食飽飽就行落去餐廳門口隔離條樓梯去搭船啦 就咁望好似好正 點擊圖片放大 搭嘅船係呢d小船 而且每個人都要着救生衣 沿途景色我唔多講 自己睇圖啦 點擊圖片放大 +5 如果你問我好唔好睇 我會覺得係因爲我5月去 已經無乜個d七彩繽紛嘅花草 所以整個吸引力大跌 我個人感覺就一般 性價比有少少低 上返大步危峽觀光船中心 行去停車場 發現原來個度影相都好正 點擊圖片放大 +3 最後我費時等巴士 我就選擇行路返大步危站 其實休閒地行都係25-30分鐘左右，好舒服 無謂比個110Yen啦 (如果有時閒的話) 哈哈 另外今朝開始就一齊行動嘅個幾個香港人都一樣同我選擇行路番去 唔同佢地同我一樣都係去德島？ 《前往德島》 上次講到我要離開大步危 出發去德島縣 首先要去阿波池田站轉另一架車去德島站 好好彩今次又係麵包超人列車 而且呢卡車最特別之處係 其中一卡係設計成玩樂場 比小朋友係安全情況下係度嬉戲 經過一個鐘就到德島站 一出站就會見到個巴士廣場 對面就有個sogo 打算夜少少行消磨時間 我第一時間唔係check-in先 而係行十分鐘去GU睇下有無野買 途中經過一條商店街 都好荒蕪下 裏面有一間水果店 士多啤梨都算平 而且色澤係ok 但就細粒 單車係四國真係好常用 好多人都用單車代步 尤其德島市内主要靠巴士 無好似琴平電鐵、土佐電鐵呢d市内鐵路 好快就到GU 夏季嘅GU果然每次都好令人失望 空手而回 慢慢行去我今晚住嘅地方 我今晚要住嘅地方臨近東橫INN 德島站前 但就唔係酒店 可以住番我最愛嘅Airbnb 有追開我遊記嘅朋友應該都知我最愛airbnb ————————————————————————————— 又係時候賣下廣告 如果想要invitation link嘅朋友 可以click www.airbnb.com.hk/c/kachuns3 就可以為你第一趟滿$550嘅旅程另外減$250 真心抵到爛 ————————————————————————————— 同埋我今次選擇airbnb最主要原因 係因爲日本黃金周正式展開 3/5-5/7呢段期間嘅酒店貴到飛起 稍爲平少少嘅酒店已經無曬房 反而比我搵到呢個airbnb 但實際上四國係好少airbnb 德島+高知airbnb數目兩隻手數得曬 所以我搵到都好好彩 比大家望下個單位 真心正 大概250-300呎 衣櫃有埋床單 多人個陣可以訓地下 點擊圖片放大 +2
