祖谷蔓橋 同高知講聲byebye之後就離開啦是日行程係我其中一個最期待嘅景點我每一次旅行都會有所屬嘅目的而我今次呢躺旅程最期待有4個地方1. 沉下橋 2. 祖谷蔓橋 3. 鳴門漩渦 4. 天使之道今日要去嘅就係離高知站最近嘅祖谷蔓橋同大步危峽!大概一個鐘車程就去到大步危站大步危站有個超級迷你版祖谷蔓橋 步出車站就會見到巴士站 大家望望時間表 另外比多條link大家https://yonkoh.co.jp/wp/rosen/timetable/05oboke_iya.pdf大家可以上網search返班次由大步危站去祖谷蔓橋要660Yen上車個陣一定要攞整理卷記錄左你係邊個站上車你一上個刻個箱就會口張開吐張飛比你 例如我張飛係16號落車個陣就望下個螢幕第16號格show出黎嘅價錢就係你要比嘅價錢 弊家伙!無散紙添,點算啊??放心,望下上圖嘅下方有部機個度係可以幫你唱散銀唱完再入返適當嘅車資就得大概半個鐘左右就會到達祖谷蔓橋站圖中右邊係落車地方左邊係上車地方 比埋個祖谷蔓橋站返大步危站、大步危峽同阿波池田站時間表大家 有錢咪call的囉睇得唔清楚就click我係上面post過嘅pdf link check時間表啦大家要留意大步危巴士班次其實好疏,一小時一班而且其實同JR列車個班次接駁我個人覺得做得一般好多時都要等半個鐘以上好似我係大步危站巴士站條隊前面有5個香港人就不斷話"好熱啊" "等左半個鐘有多..DIU"而且有另一個問題係四國JR列車成日都會有遲左到達嘅問題出現經常遲幾分鐘我高知去到大步危站之後本身預留左8分鐘時間等巴士點知因爲遲左少少結果我一去到巴士站已經排緊隊上車所以大家千祈唔好預到個時間太緊逼落左車就跟住指示牌一直行落去沿路都係馬路,大家要小心 行到黎呢個分叉口左邊係去橋入口右邊就係行車+行人橋 我建議大家先往右手邊行一行因爲行到橋中間可以飽覽成條祖谷蔓橋啦!一定要係度打個卡先 然後就出發啦!祖谷蔓橋過橋費係500Yen平到絕!個個都扶住行可想言之都好得人驚 其實我本身係有畏高我對於行呢條橋我真係好驚但一諗到條橋真係好正就鼓起勇氣踏出第一步比大家往下罅隙,真係好闊我估計鞋碼35以下都可以成隻腳穿過去 係條橋望出去好靚川流不息、綠草繁蔭 我一邊影相一邊行行左7-8分鐘終于行左一半 雖然一般原因係我太小心翼翼但另一原因係其他人都行得好慢所以我都係繼續影住相前進 就快到我去到終點啦有少少唔捨得,想繼續瘋狂自拍!但唔比你地睇Haha完成個刻有種喜悅在心頭 行前少少就會見到個瀑布叫做琵琶瀑布 我好餓,所以係隔離食店買左串野最頂係薯仔,然後係方形魚蛋,最底係蒟蒻醬汁係麵豉醬,都好多,搞到有少少咸點擊圖片放大 係琵琶瀑布對面有條樓梯可以落去小溪旁 呢度都好舒服而且都可以影到好多靚相 水係好清大家去的話千祈唔好整到周圍污糟曬逗留左一陣我就行返上去我一開始講嘅行人行車橋度我唔知呢d叫咩花我純粹覺得好靚 配合埋條橋 大家黎四國一定要去啊!!!!!!------------------------------------------------------------------------------------------------------不過大步危行程對於好多人黎講都係好麻煩皆因搭車唔方便如果唔想麻煩check班次,又想黎大步危可以點?我就建議大家可以報呢個一日大步危團 呢個團只會係3-4,6,7,9月係禮拜六日及公衆假期運行但好消息係逢5,8,10,11月就係每日都有團啊!7500Yen包左5個景點,當中已經有齊大步危觀光船同祖谷蔓橋但我可以點報名啊??????打個post入面個電話就可以預約啦!但我唔識日文點算??????叫酒店職員幫你啦而且其實可以email預約都無問題