高知市區離開左中村好快就去到高知站 隔離就有個觀光中心裝修都幾靚 觀光中心隔離就有三個將軍像我淨係識中間果個扳本龍馬因爲龍馬故鄉就係高知！ 而以下就係高知市最主要鐵路--土佐電棧 當你想落車，就禁下個制，好似平時搭巴士就得然後係落車個陣比個pass車長睇就可以落車 我今日要住嘅就係高知站步行7分鐘路程嘅Los Inn酒店Los Inn係有返一定歷史但都係個句麻雀雖小但五臟俱全而且大堂更有免費漫畫、咖啡比住客享用，非常貼心 房間大概12平方米都係住一晚 其實已經好舒服 播磨屋橋我係高知市第一個景點就係播磨屋橋其實都係單純打卡之用首先要搭土佐電鐵去到はりまや橋站人少少好有feel 一落車行後少少就會見到條橋 四周有少少歐陸感覺 ひろめ市場行左一陣我就準備去食飯啦我就揀左高知市好出名嘅熟食市場--ひろめ市場食燒鰹魚係大橋通駅落車然後行入去條大橋通，沿路都係d食肆而且呢度都有明神丸但6點已經話無曬鰹魚所以個個都走曬去ひろめ市場入面嘅明神丸食燒鰹魚 雖然只係六點ひろめ市場已經超多人 當我一場黎到當然要試啦！我就走左去明神丸排隊多人排隊到一個點呢... 明神丸係先點餐，後攞食物，最後比錢比完錢我攞住個托盤然後周圍搵位但由於人太多，我始終都搵唔到大概搵左十分鐘終於有位啦！明神丸有兩種鰹魚，醬油或鹽味一般人都係推介鹽味賣相ok，價值1050Yen / 7塊 但我一擺入口.....我感覺到嘅係腥味同唔好味因爲明神丸甚至係其他店鋪都係選擇烤外層令外層有陣煙熏味，但裏面仍然係生我自己就覺得唔岩口味而且口感都一般，係要嘴嚼一段時間Overall黎講完全唔係我杯茶但話曬高知名物，大家都可以一試反正食物呢家野好主觀食飽飽就四周圍行下不過可能時間都唔早，成8點條街都無乜人 所以我行左一陣就返左酒店附近個supermarket行下買宵夜最後我買左兩個杯麵一個呢一晚，一個就第二日早餐今晚就食背脂醬油拉麵 味道ok，唔算好濃肉片都叫真係肉，係有咬口整體非常好高知城第三日 -- 離開高知係日本嘅第三日，即係第二餐嘅早餐我選擇左係酒店淥杯麵食腐皮烏冬 食完早餐我就出發去高知站無錯，我今日要離開高知啦不過係離開高知之前我都抽左d時間去一去高知城搭車去到高知城前落車就會見到 其實高知城都真係好細 山内一豊個老婆 當上黎睇下風景都好點擊圖片放大 你地見我咁少篇幅講高知城就知咩環境啦行返落去已經身水身汗即刻走入去7-11買支雪糕雪條冰凍下先 得一日係高知其實有d遺憾好似桂濱、安兵衛屋台我都未去如果大家有時間不妨留2日係高知啦高知食物推介：ひろめ市場入面有熟悉既明神丸同安兵衛，晚晚都好熱鬧！https://goo.gl/maps/Hph2gC1wURv明神丸高知名物燒鰹魚晚晚都吸引好多人去食，尤其ひろめ市場分店就最熱鬧，好唔好食就因人而異啦。另外其實附近都有幾間明神丸店架。https://goo.gl/maps/8GNJYeLGHTw (ひろめ市場)https://goo.gl/maps/Gujt6aAr9JK2 (帯屋町店)https://goo.gl/maps/tGuiKT81yrS2 (大橋通り店)安兵衛安兵衛餃子當然都係一個不可不吃既餃子，皮脆汁多兩間較熱鬧分店：一間當然係著名屋台安兵衛，屋台形式，有多d熟食；另一間係ひろめ市場入面，主要賣餃子，適合只逗留高知一晚的人士https://goo.gl/maps/nismGu8vX2v (ひろめ市場)https://goo.gl/maps/aChBij6S4H72 (屋台安兵衛)https://goo.gl/maps/hZex22i13kv (いまどき安兵衛)
