四萬十川第二日 高知之行今日我6點半就起身事關要趕7點幾嘅列車出發去高知！而我今日目的地就係四萬十川我依舊係高松站7-11買我嘅早餐個阿波尾雞飯糰真係超級好味啊！！！！！入面醬汁濃厚，而且有微辣，好惹味雞又夠嫩滑 今次見到工作人員係其中一個站將兩架車組裝埋一齊，好得意 沿路都係d鄉郊景色好似返左大陸咁點擊圖片放大 +2 途中都經過大步危峽 去到高知，我第一時間係落去麵包店買第二次早餐可能係生積 食極都唔飽我買左呢個帽子麵包 外層係蜂蜜蛋糕而裏層就係普通麵包有兩種口感，好特別，而且好正 我係高知站轉乘另一班開往中村站嘅列車因爲要去四萬十川，較多人會選擇去中村站作爲出發點好開心今日有得坐麵包超人列車！ 大概個半鐘頭車程沿途景色怡人有無敵大海景點擊圖片放大 經過4個鐘車終於到達中村站我個刻其實已經搭車搭到頭昏腦漲或者你地會問我點解唔上一晚落定高知？？？？其實係高松去高知係要2個鐘多d如果我落機個日直接落高知就等同浪費一個下午而且去到高知都唔早我選擇上晝去高知係我呢一日只會去四萬十川一個景點所以時間會鬆動好多中村站休息室聽聞攞過獎 然後我就出發去觀光案内所 (唔係無料案内所啊！)首先中村站一出就向前行 然後見到相中右邊路牌就左轉一直行 一直行一直行你就會見到馬路斜對面有觀光案内所 行入去就會有人招呼你啦會叫你選擇邊一款車我自己就選擇左有得轉波嘅單車 價值1000Yen / 5hrs而另外有d更加靚嘅電動單車就再貴500Yen以上以前觀光案内所其實係有500Yen/5hrs嘅淑女單車但無左一段時間 sosad職員建議我5hrs可以踩去三里沉下橋但我最後放棄點解？？？因爲我其實係出發前兩日先開始學識，我太虧！所以我都唔敢亂踩太遠萬一失誤就客死異鄉 租完單車就可以正式出發啦！ 沿路會經過一間便當店我就刻意停車去買個便當ちきん館便當店，好推薦比打算買便當去四萬十川度野餐既朋友https://goo.gl/maps/ktbPNR2MFsm 款式唔算多而且以雞同炸野爲主咁岩我去個陣d野食仲未擺曬出黎點擊圖片放大 而另外上圖左邊有d膠兜自己選擇膠兜大細，價錢各異之後你就可以任裝野食同白飯好適合我呢d大胃王 然後就正式出發！好在沿路都無乜人我可以好安全係行人路度踩如果要我踩出馬路，應該未被撞死都會嚇死好快跟住地圖就會見到四萬十川橋係紅色，好耀眼 過左橋之後就轉右，一直向前面踩就得四周圍景色都好靚成個人都好舒服點擊圖片放大 +2 過完一段平路就開始要踩d要轉彎嘅路呢一段係我最驚嘅路段因爲我出發前兩日練習個陣都未純熟地轉彎 途中有少少上斜落斜轉下波/踩快d就ok我踩得好慢足足一個鐘先踩到佐田展望台(一般人踩就大概35-45分鐘就可以到) 但其實見到呢個展望台代表目標已經不遠矣係呢個展望台可以勉強見到佐田展望台 踩多幾分鐘就到第一條沉下橋---佐田沉下橋！ 呢條橋車輛係可以駛過所以橋面係唔可以踩車，只可以推車過橋而且單車唔可以停泊係橋面，以防跌落去但我就趁無人個陣影左一兩幅 其實被譽爲日本最後一條清溪的確實實至名歸因爲溪水好清澈而且配合四周感覺好寫意點擊圖片放大 上圖有d人玩緊獨木舟而我就靜靜地坐係度望住風景同食我嘅便當最大嘅飯盒都係6XX Yen左右 而我最後足足坐左係度1個鐘有多真係好舒服雖然陽光普照，但涼風陣陣但我自己有d遺憾係無再繼續踩落去唉 點解我咁蠢連單車都係半桶水但真心好推介大家去！如果大家識踩單車或者自駕遊一定要再去入d啊！回程時我貪得意行下面條路 結果"凳"到菊花都爛最後見到有樓梯即刻搬單車上去上面條平路大家唔好亂試d路回程列車都係麵包超人！為大家介紹：其實係有巴士去最近既佐田沉下橋不過班次就好少http://www.kochi-seinan.co.jp/obj/pdf/tour_trolley.pdf?1001另外其實都有d一日巴士團帶你遊覽幾條沉下橋http://www.kochi-seinan.co.jp/obj/pdf/tour_kawabus2017.pdf大家不妨可以參考下但個巴士時間同鐵路接駁得唔好
