金刀比羅宮出到市區我第一件事係去買四國鐵路周遊卷就算你係飛機、旅行社、網站買左,你仍然都要去JR辦事處換真正嘅Pass巴士一落車就會見到高松站 行入去就會見到JR綠色牌辦事處,如果你一早買左代換証就係度換啦 但我無係呢度換,因爲當時辦事處入面超多人排曬隊再向前行少少就會見到呢個Travel agency其實呢度都可以買/換個pass㗎 所以邊一邊少人就去邊度啦我順便換埋我之後5日會用得上嘅指定席座位但其實換唔換都一樣因爲四國JR特急列車嘅自由席其實好多,係多過指定席所以大家不必擔心 (自2018年3月1日起,四國地區鐵路周遊券只可以乘搭自由席,無得換制定席啦。不過就多左樣免費來回土庄港同高松港)換完Pass 我第一時間並非搭車,而係要醫肚!!我7點幾係香港機場M記食完早餐去到高松2點半都無食過野見仲有15分鐘我就行左入隔離7-11買野食物啦我諗大家都知道日本便利店簡直係天堂 我最後買左水、飯糰同漢堡 叮熱左嘅漢堡包真係超級好味!反而入面有原隻玉子蛋嘅飯糰就比較失色,中間流心部分幾乎無曬拎住pass嘅各位就要行個條由職員檢查嘅路 然後就搵返你要搭嘅列車嘅月台高松站係四國算係最大型車站,有8個月台而且四國就算係快速或特急都有好多款列車有新有舊,有d更加係以麵包超人為主題 好快我就已經抵達琴平站 車站有一種歐陸嘅感覺 從JR琴平站行過去金刀比羅宮會經過琴平電鐵琴平站、大宮橋點擊圖片放大 大概行10分鐘就會到達參道 呢間中野烏龍麵學校係教人手整烏龍麵(即係烏冬)如果大家有興趣都可以去報名參加 呢一日陽光普照怕熱嘅我當然要搵雪糕消暑我就搵左一間食蜜糖雪糕嘅鋪頭 然後叫左杯柚子蜜雪糕d柚子蜜超多 毫不吝嗇,唔係死甜個種 入口好舒服而且雪糕係好綿好滑 然後我就正式向1368級樓梯進發!點擊圖片放大 起初以爲好少人因爲一開頭個條路都無乜人沿路都有唔少商店有手信鋪同小食店 有d鋪頭都會提供免費竹竿比大家撐上去但我一開頭無用 去到中途d鋪頭已經要比錢大家記住寫住"無料"先好攞行左四分一左右就發現原來人都好多 其實沿路環境都好清幽,而且佳木秀而繁蔭令我行得都好舒服點擊圖片放大 +2 呢度連馬都有得睇 雖然話每行一段樓梯就會有一小段平路但樓梯源源不絕,好似行極都行唔曬尤其好似我完全唔夠訓嘅人都有d辛苦好唔容易行上去旭社 本身想話係個度坐一陣但望下地圖又好似爭少少就到本宮所以都咬緊牙關行上去本宮望見d樓梯就唔想行 我好辛苦地趴左上本宮我自己由參道行上本宮用左半個鐘頭辛辛苦苦上到黎一定要周圍影下相 唉 如果我有錢可以買個廣角鏡就好惟有用住部cheap cheap相機頂住檔先係本宮呢度望出去會望到好靚嘅景色點擊圖片放大 大家不妨係度影下相 當作休息下而且係呢度有好多款御守賣當中最特別係有呢一款金黃色御守 但價錢....都要800Yen當時天色開始變淡 我最後並無上到去奧社因爲我實在太攰我應該一開始上山個陣行慢少少保存多d體力由本宮行上奧社大概30分鐘左右就可以但好可惜我最後選擇放棄如果你問我金刀比羅宮值唔值得黎我會答你:被譽爲日本最難參拜寺廟,一試無妨,再試投降呢個神社價值我個人認爲在於整個參拜過程單論神社外觀設計其實普普通通 係臨近參道商店街有一間賣凍肉店個度炸野聽聞都好受歡迎,大家不妨試下唔好食唔好賴我啊! 但實際上個商店街....好冷清 安全地企係路軌上面打卡是常識吧但記得一定要安全地進行 對面係麵包超人主題列車!可惡 唔係我個班(但之後幾日我都好榮幸地搭到 ) 我會形容我第一日高松係超級慘情點解?等我講比大家聼返番高松站,我就準備轉另一架JR去栗林站我今次選擇嘅酒店位於栗林站,叫做高松陽光商務酒店原因有兩個 1. 乾淨企理 2. 好平 比大家望下内籠係點麻雀雖小但五臟俱全 等我安頓左一陣,就發覺出現左問題大家有無留意到整間房得一個斜孭袋我個背囊呢!!??個刻我先醒起我出發去琴平前將d貴重野同背囊寄存左係高松站coin locker度所以我只好死死地氣番去8點之後嘅高松站附近都叫做有小貓三兩隻 我今晚plan左食一間係瓦町嘅手打烏冬店--鶴丸鶴丸係淨做晚市同深宵生意,8點先開門但我去度個陣先發現呢一日無開門我個刻真係欲哭無淚因爲視線範圍内都係一d居酒屋、貴價鋪頭同拉麵店我plan左黎緊係德島都會食拉麵,所以唔想係高松都食拉麵我個刻係又飢餓又攰根本連再搵餐廳嘅力都無結果我走左入一間早餐/宵夜先會走入嘅地方---7-11然後就攞左個我以前都試過嘅麻婆豆腐飯比錢叮熱 老實講句,其實個飯幾好食而且真係有辣味,係有少少似四川比起香港好多茶餐廳都正宗好多個刻我無感到任何失落因爲突然有暖野填飽個肚已經覺得好辛苦之後就係瓦町行返去酒店更加係酒店隔離買左盒士多啤梨做宵夜 題外話瓦町站隔離有個藥妝店收10點大家過左8點無節目不妨黎行下