明治神宮我上次黎個陣因爲時間關係所謂無去到我用嘅係Metro都營一日卷所以我係明治神宮前站落，行十分鐘先到明治神宮跟住人群行 然後就會見到手水舍我之前都教過大家點做跟住做就得 入南神門前先要經過一個鳥居 瞬間就會見到南神門 前面就係善眾們祈福嘅地方比原定時間用得少左所以我就行另一方向，向代代木出口行去少人好多，行得舒服d 不過其實行個邊都係完全無咩睇搵到都營站就繼續我嘅行程當時時間係4點15分，我開始有少少心急點解開始心急？因爲我要趕住去睇東京黃昏景去邊睇？Skytree？東京鐵塔？NO NO NO我要為大家介紹一個人流比較少，但又超級正嘅展望台濱松町世界貿易中心話明濱松町世界貿易中心當然就係位于JR濱松町站隔離好多人會遺忘呢個展望台係因爲skytree同東京鐵塔光芒實在太亮眼但其實濱松町世界貿易中心展望台除左矮d之外我個人認爲完全唔輸比skytree同東京鐵塔因爲我三個都去過展望台售票處位于貿易中心大堂個一層然後去搵呢一部機買飛上去 票價只係620Yen你無睇錯平過東京鐵塔300Yen左右；平過skytree成一半一直搭lift上去一出lift就已經見到大堂好靚當時係4點半左右人流真係比較少 有位可以坐可以比大家舒舒服服觀景首先係d高樓大廈 但呢個方位望得唔靚行去另一邊就發現原來我話少人係錯有大概20人左右已經企左係呢個展望台最值錢嘅方位而且全部都手握一部相機比大家望下點解我話值錢先 係啊！呢個展望台可以直接近距離望到東京鐵塔好清晰OMG所以好多龍友都捕係度影東京鐵塔着燈 另外大家望下呢幅相左上角唔知大家見唔見到呢見唔到？比多張你睇！ 今次估到係咩啦掛係啊，呢個展望台係可以一次過睇到東京鐵塔+富士山雖然富士山唔太清晰但日頭黎都隱約會見到白色山峰當時準備日落天色開始變黃東京鐵塔都開始亮燈點擊圖片放大 另外再補多d圖比大家點擊圖片放大 +3 我當時真係覺得好震撼可以望住東京鐵塔同四周環境變遷再加上呢度真係好舒服，又唔逼真係全部人都攞住部相機而且行去另一個方向就可以望到另一個景色就係台場 另外為大家介紹一個寺廟 呢度叫做增上寺係東京一個都出名嘅寺廟不過最出名係每逢12月31日都會有好多人去到呢度倒數！所以都介紹比大家(不過我個人覺得無乜特色，建議經過東京鐵塔有時閒先順便行埋)我好依依不捨地離開濱松町展貿中心展望台原因係因爲個度望出去真係超級靚東京4個著名展望台我都去過Skytree優勢在於生得高，居高臨下但弱點在於人太多，而且門票稍貴東京鐵塔算係位于東京都中心地帶，所以望到嘅野都多不過因爲展望台分兩層，如果你淨係去大瞭望台其實可觀望嘅野就唔多，但如果去埋特別瞭望台就相對又要比多d錢 如果你問我，其實遠望/近觀東京鐵塔其實仲靚東京都廳優點唔洗講都知係免費，而且都可處於一個比較高位置觀望。不過一分錢一分貨，確實可以觀望嘅野無咩特別，都係d高樓大廈、燈景如果想要睇富士山就要比錢係cafe食飯先會透過個邊玻璃見到你有時閒/住新宿不妨去下濱松町展貿中心展望台就係我最滿意嘅地方，可以近距離睇到東京鐵塔，又可以遠望台場夜景，亦可以睇到汐留一帶燈飾不過因爲比較矮，所以無居高臨下嘅感覺，無skytree個種高處震撼感。 我走個陣大概係六點左右係之前都提及過我有再番去上野，原因係因爲要shopping其實我係新宿個陣已經睇中左兩對鞋但都因爲想最後一刻望下自己銀包先再決定而去到個一刻，我抽起左1500Yen比自己然後淨低嘅錢都夠買兩對鞋有餘(因爲我之前真係好慳 買嘅衫褲都係超特價先買 )然後就即刻去馬買左兩對鞋我為大家推薦一間連鎖鞋鋪叫左Shoe Plaza 我推薦原因係因爲我呢次比較過幾款鞋都係Shoe Plaza平少少再加上Shoe Plaza有得退稅！呢個係ABC-mart輸嘅地方其中一對係Timberland鞋ABC-Mart賣~15000Yen含稅但Shoe Plaza只係需要14040Yen含稅但從標價已經平過ABC-Mart而且當時Shoe Plaza做緊全場靴8折，再退稅嘅情況下結果同一對鞋係Shoe Plaza買就只需要10400Yen所以我先有剩錢買多對鞋另外一對鞋就係斷碼貨 44號，Shoe Plaza賣6600Yen，然後再退稅而abc-mart都有呢對，同樣係斷碼41號賣7100Yen作爲精明消費者嘅我當然無選擇abc-mart嘩Shoe Plaza咁平，會晤會賣假貨架??????我起初都有呢個擔憂，但後來一check就發覺Shoe Plaza原來係出名超平，而且係有品質保證，所以大家不必擔心 搞掂之後就去東京車站醫肚大家不妨可以估下我食邊間估唔到不妨click去之前幾頁，都好多tips為左去呢個地方都花左我15分鐘因爲東京站實在太麻煩要穿呢度穿個度先可以去到東京站地下街 然後再要向南行，行到八重州南口個邊先會見到目的地究竟我去邊啊？？？其實我係要去六厘舍！一家沾麵非常出名嘅店鋪 你睇前面幾多人排隊我都排左半個鐘頭先有未呢條路係拉麵街，全部都係賣拉麵好似斑鳩都係好出名嘅拉麵店有機會再試先比大家望下鋪頭環境 我叫左第二貴嘅味玉つけめん 沾麵 950Yen然後因爲好餓所以+100Yen轉大盛 碗麵超大碗，而且都係光麵，my飛佛核！湯頭濃厚，但唔會好重口味，而且帶微甜用大量豬骨、雞、魚干柴魚等長時間熬煮面頭加左鰹魚粉，令到個湯增添海鮮味係介乎無敵家同大勝軒之間嘅濃度我認爲超級吸引，一定要試而風雲兒就係豚骨mix柴魚，各有千秋蛋方面就有少少失望因爲中間流心部分比較少同大勝軒相似而食完碗麵就到沾麵另一個重要環節就係加高湯落去飲！落完高湯，職員更會撒上柚子粉令濃濃嘅湯底飄出淡淡柚子嘅清香飲落去完全無膩嘅感覺，好舒服 擺低筷子亦預示我呢個旅程最後一餐已經結束呢個旅程就到尾聲 去到尾聲我咋咋淋返去大門站攞行李然後就直接係濱松町搭鐵路出羽田機場因爲我搭左急行 所以幾個字就到左機場有人問我係濱松町搭東京單軌電車同係泉岳寺搭京急綫有咩分別第一，濱松町係東京單軌電車起點；而泉岳寺唔係京急綫第一個站。所以係濱松町上車一定會有位坐，而泉岳寺就未必。第二，東京單軌電車貴幾十Yen但因爲行左成日都想坐，費時煩所以濱松町搭東京單軌電車就算因爲我當時速度太慢 所以趕頭趕命無影到相比大家 抱歉去到羽田機場 Pack好行李 Check好in然後就四周圍行下係啵 羽田機場離境大堂兩端都設有磅大家check in前可以去磅下尤其其中一個就係Hk express櫃位隔離 呢度就係江戶小路好多食肆同手信店 再上一層就係羽田機場展望台 日本每個機場都有屬於自己展望台而呢度展望台都算遼闊畢竟羽田機場係好細 臨入閘前買左兩個飯糰上機做宵夜東京之旅正式結束多謝大家收睇
