10/1 最後的一日最後一日係東京完全唔想返香港我相信絕大部分人都會明我首先去左濱松町站寄存我d行李然後就再搭車去今日第一個目的地--雷門寺其實我以前已經去過淺草雷門寺今次再去係因爲上次雷門燈籠維修，所以影唔到今次特登去影一次同去求籤係地鐵站一出就會見到雷門寺 對面有d抬橋大叔/小鮮肉(你自己慢慢揀 )如果你有錢可以坐下，會帶你周圍行 霸唔到正中間位 我上次黎個陣好似無呢d氣氛同裝飾 淺草同skytree好近所以可以好清楚見到skytree 行入去你就可以去參拜 如果你想求籤就行去呢d位置 請先自覺投下100Yen然後攞起籤筒chok到有野出就得，再搵返相應數字箱攞籤文如果大家好似我咁籤文有個"吉"字就攞走張籤文但如果籤文有個"兇"字就記得要綁係隔離嘅架上你會見到好多人圍住個香爐，然後用手向自己潑d煙係香港會覺得超奇怪但對於日本人黎講香爐嘅煙係可以除厄,，趕走唔好嘅野 順便行下鋪頭，買下手信途中經過一間好出名人形燒鋪頭係即整，即刻買左8粒食 外層蛋糕超鬆軟，而裏面紅豆蓉又夠多對於紅豆迷嘅我好滿足而我另外都買左d獨立包裝人形燒好難食，大家都係唔好貪平係淺草我仲有一個地方要推薦比大家就係雷門燈籠對面嘅淺草文化觀光中心觀光中心8樓係一個免費觀景台雖然唔高，但都足夠望曬成個雷門寺同skytree 既然免費，不看白不看 搭返Metro出去上野去行一個無人會唔去嘅地方阿美橫丁相信大家都唔會陌生我去阿美橫丁得兩個目的 1. Shopping 2. 鰻魚飯寫住"上中"就多d服飾，而另一邊就多食物我既然係打算shopping就當然行"上中"個邊 一行入去已經見到好多abc-mart我就完全無興趣啦我有興趣嘅係一間叫做London Sports嘅散貨場London Sports被譽爲上野運動outlet售賣正版運動衫褲鞋襪，有各款牌子，一定適合大家我買左兩件Asics透氣運動衫，每件980Yen，真心好平不過話明outlet，碼數方面980Yen個堆就係斷碼貨如果想有碼，可以行入少少就會有d有碼貨，不過貴少少，但都係屬於超級平！留意London Sports有兩家分店，都係同一條街，所以大家不妨搵完一間然後再睇另一間先再決定。因爲掛住買野所以無影到任何相行多陣就覺得好餓然後就行去隔離條行嘅宇奈鰻魚飯其實我係大阪已經試過宇奈鰻魚飯覺得真係超級無敵抵食，性價比超高！所以今次再返叮 有兩舊鰻魚中間嘅鰻魚肉好厚身，而且好淋雖然係烤出黎，但控制得好好完全無燒焦嘅味！都只不過係1000Yen比起好多專食鰻魚嘅鋪頭平好多！宇奈其實係一家連鎖居酒屋夜晚好多人飲杯酒，吹下水，食下燒物不過其實宇奈最出名係鰻魚飯食完之後我捉緊時間先出發去下一個景點其實我個陣都仲未買好野打算臨走前再番黎望望銀包仲淨幾多錢先因爲我去旅行有個習慣係唱幾多就用幾多唔會洗多，除非有突發事件
