不過好在平時說好話、做好事、存好心就到大盞橋個陣,d烏雲居然慢慢開始散好開心行到大盞橋個天已經好好多! 以下我比幾幅圖大家就會明點解我咁期待黎呢度 以下兩幅用手機影 景已經好正而夜景都同樣美妙!我點知?因爲我黃昏個陣又再黎左一次係大盞橋坐左一陣就繼續行行去隔離山下公園山下公園呢度有全日本唯一一間Happy Lawson 不妨入去行個圈(雖然我覺得無乜特別)其實山下公園就無咩特別地方係一個環境幾靚,令人覺得幾舒服嘅公園公園有一架叫冰川丸嘅船不過我自己就覺得無乜特別所以無行去影 穿過山下公園就行去中華街老實講去中華街唯一一個目的就係影幅相就走呢類中華料理鋪同賣中式飾品鋪頭返大陸仲正過呢度多多聲 當時時間大概係4點左右所以我就返左去Landmark Tower個邊行下順便買左個我去左幾次日本都無食到嘅炒麵麵包實不相瞞,我係因爲好細個睇過日式麵包王先知道原來有炒麵麵包呢樣野 味道呢.....當叫做完成其中一個心願啦搭正5點,準備再次起行返去大盞橋因爲check過呢日日落時間係5點10分回到大盞橋時間超靚而且都見到大盞橋都多人攞住部相機係度準備 呢個時候橫濱海灣大橋好靚 然後比大家望下同一個位置環境嘅變異點擊圖片放大 返返去Landmark Tower我行左去一間比較出名嘅連鎖炸豬排店--和幸 我就要左個1329Yen嘅炸豬排餐係一塊炸腰內肉,即係平時我地叫嘅小里肌同兩塊里肌肉 炸腰內肉就真係啖啖肉肉質比較實,油份相對比較少而小里肌我覺得好正首先有充足油份,而且肉質比較軟淋不過都明顯感覺到係比較肥另外白飯同味噌湯係任食任飲白飯係用珍珠米,好有粘性同飯香味按一般男人食量一定會encore 而味噌湯就係蜆肉味噌湯入面有好多蜆仔不過我個人就唔太中意蜆味味噌湯反而最中意最普通嘅味噌湯臨離開前橫濱前係Mister Donut度買左個甜品慰勞自己 味道ok,不過都幾甜返到新宿大概係8點45分我趁好多鋪頭仲未閂門即刻去瘋狂shopping好似GU Uniqlo都係閂10點而ABC-mart就係閂9點半呢個旅程我嘅購物時間比較少暫時得琴日下午係真正Shopping日 不過唔緊要我最後一日係東京嘅日子係半shopping半遊覽(而實際上最後都係3成shopping 7成遊覽)