9/1 第5日橫濱之行橫濱係日本其中一個非常發達嘅城市好多人去東京都會抽一日去橫濱玩下我今日就特登搭車落去 好多人都會選擇JR去橫濱但其實如果你住新宿、涉谷、池袋去涉谷乘搭東急東橫綫其實都好方便,而且平少少東急東橫線有張來回橫濱一日Pass包左由涉谷--橫濱來回,另外再有港未來線任搭都只不過係840Yen,超級划算我利用東急東橫綫然後直通去港未來線 馬車道站我第一個目的地係日清杯麵博物館係一個我非常期待嘅地方因爲可以親手整一個屬於自己嘅杯麵大家可以選擇係みなとみらい / 馬車道前往都得時間都一樣馬車道站裝修得好有特色比人一種歐洲建築感覺 向住呢個摩天輪方向行過去就得 相信大家都見到個天好陰而我當日個心都好陰因為我真係好期待去大盞橋睇景...唉途中環境都好靚 右轉就會見到日清杯麵博物館 入到去杯麵博物館 首先要比入場費500Yen然後職員就會問你會唔會去整杯麵如果你要整就會比張預約卷你 然後就可以入去參觀我10點左右去到,揀左10點半整杯麵趁有時閒就周圍參觀下 呢度有個類似兒童樂園嘅地方入面都有好多適合小朋友嘅遊戲雖然我20歲,但都就唔適合我呢個大朋友啦 已經夠鐘去整杯麵 首先要消毒同買杯麵因爲當時已經無手,所以影唔到相之後就可以去畫屬於自己嘅杯麵杯 幾經辛苦終于畫好啦唔好笑我畫畫核突 然後就可以加料啦首先幫你加麵餅然後就可以選擇自己中意嘅配料同湯底點擊圖片放大 +2 最後自己充氣就大功告成!超級滿足 玩完杯麵博物館我就沿住汽車道行番去 我係特登行呢條路因爲真係超級靚啊!好有歐洲嘅感覺過完呢條橋其實就已經到達我下一個景點日本丸 不過因爲我對船無咩興趣所以都無用到錢買入場卷,純粹周圍行個圈就算味奈登庵之後行去食Lunch 為大家介紹一間橫濱好受當地人歡迎,但又好少外地人知道嘅餐廳啦叫做味奈登庵係一間好平民、專食蕎麥麵嘅連鎖餐廳我去左馬車道分店 比個menu大家望望 最出名就係右手邊價值300/400/500Yen嘅蕎麥麵500Yen個份就算一個成年男人都一定食唔曬!個日得零下3度,所以我都係選擇熱食好d但我為左有個種食凍蕎麥麵Feel所以我揀左熱牛肉汁配凍蕎麥麵 個牛肉汁比平時香港扑野家牛肉汁淡少少係可以直接飲而且居然同蕎麥麵好match,令到個麵暖暖地超級舒服味奈登庵嘅食物普遍都好平,質素又有保證所以吸引好多本地人不過因爲店内0英文/中文溝通,所以令遊客卻步首先要去counter買飛然後等叫號碼去攞(係用日文叫),所以要好留神啊!茶就自助而我逗留係入面1個鐘一個遊客都見唔到,反而好多日本人食果斷融入左當地人生活紅塼貨倉食完野,我就慢慢行去紅塼貨倉當時其實已經有毛毛雨所以我係提心吊膽前往紅塼貨倉不過好彩一直都無落大雨雖然天色一般,但遊客都好多 右手邊仲有個溜冰場 而對面就係我期待好耐嘅大盞橋不過今日嘅天氣令我有少少灰心 但去到呢一個時候我部相機居然顯示電量不足搞到我完全唔敢影太多相所以好抱歉橫濱嘅相比較少,我自己都好失望