吉祥寺轉左好多程車,終于去到吉祥寺 吉祥寺雖然只有一條綫經過但其實都係一個好旺嘅地方,深受當地人歡迎原因係有唔少百貨公司之餘,又有商店街,又有小鋪頭 超級好行加上物價比起新宿、上野再平少少,所以都係一個新興嘅旅客購物天地因爲行左成個上晝,所以超級餓我就係JR站一出嘅呢條街覓食 而結果我係去左松屋唔好話劣食,我會話性價比高我叫左份烤豚肉,因爲做緊discount一個set 500Yen 醫完肚我就走返去北口個邊Shopping吉祥寺人流係明顯比新宿少好多 而且好似wego、ABC-Mart、Gap、L-Breath等都可以係度搵到Uniqlo更加係整棟大廈 購物方面唔講太多你地去過一次就會明點解我話吉祥寺好舒服去吉祥寺另一個目的其實係食食咩?炸肉球同鯛魚燒吉祥寺有一間食炸肉球超級出名叫SatouSatou嘅炸肉球餡料其實係靚牛肉--松板牛肉同洋蔥而且餡超級多 炸個部分都非常出色肉汁鎖實曬一咬個下肉汁全部擠曬出黎好juicy,超級正!都只係220Yen 不過大家最好都係要抱排隊嘅決心因爲真係超多人買而係Satou隔離有一間叫橫濱くりこ庵專門售賣鯛魚燒 最原始紅豆餡係136Yen雖然好平,但覺得好足料外皮暖而酥非像軟皮蛇紅豆餡好多,而且紅豆泥間仍然可以咬到一粒粒紅豆 再行多左陣我就準備回府擺低野再出發去新宿御苑但當時個天好黑,天氣預報都話今日有機會落雨我本來安排左新宿御苑-->新宿都廳-->池袋L-Breath-->無敵家 結果返到新宿果然落好大雨我逼于無奈地Cancel新宿御苑同東京都廳呢兩個行程而到最後我都係無去到不過東京都廳真係好值得去因爲呢個觀景台係免費!而且視野都一流我再上次去東京個陣去過,所以先推薦比大家我諗唔到有咩理由唔去 之後直接去池袋Window Shopping到5點左右去行過無敵家度食我嘅Early dinner起初以爲落雨一定無人會排點知我最後都要等左7個字先入到如果無落雨會多人好多而且我上次8點黎食都等到9點幾10點先入到去 我叫左本丸麵加多塊肉然後再用埋無敵家官網張coupon有多半舊玉子 拉麵上嘅紫菜印上歡迎字句,不過就有d驚食落肚麵條依舊好彈牙係我最愛嘅粗麵,姐係光麵無敵家拉麵湯底係豚骨湯底而且係熬左好耐嘅味道好多葱花令到湯更香我上次食個陣覺得湯底唔會過油,鹹度又適中但我呢次再食我反而覺得油左少少尤其天氣凍,油就好容易"瓊"所以我去到後期好似食緊油拉麵我必須要話我上次食係真心"yi gi bang",但今次有少少失望 而叉燒部分仍然保持非常高水準夠曬厚之餘仲好淋,係我認為最厲害之處但係其實無敵家我最中意係沾麵我上次係東京之行食左兩次無敵家,而第一次就係沾麵但今次因為左大勝軒,過兩日又會試六厘舍所以費時食太多次沾麵比大家望望無敵家沾麵 食完就返新宿就算有遮,我當時對鞋都係濕曬行隧道穿過去lumine EST途中就經過我本身都想食嘅Zakuzaku泡芙 係黎自北海道嘅長條形泡芙離遠已經聞到好香牛油味我地平時食到嘅泡芙係鬆軟,但Zakuzaku呢個泡芙係非常之脆而且牛油味好重入面嘅卡士達醬好冰涼,配合暖呼呼而又脆嘅外層而且卡士達醬超級多,多到會漏出黎邪惡到不得了!