台場我係台場第一站就係台場海浜公園台場海浜公園係一個可以近距離觀賞彩虹橋嘅地方而且有一個人造沙灘，吸引好多一家大細前來Relax如果天色好，個環境真係會超靚 超級建議大家日頭黎一次，夜晚再黎一次因爲夜晚嘅彩虹橋會發光，再配合四周燈飾，非常之迷人同日頭嘅自然觀有另一番風味基本上整個台場海浜公園都可以望到同影到彩虹橋 大家可以係沙灘漫步行同女朋友/男朋友黎可以拖住手欣賞美景好似我一個人黎就可以用相機同眼睛將一切記錄一路行就會見到自由女神像呢個自由女神像同美國果個大細上爭好遠但好似我呢d窮撚無機會去睇美國自由女神像唯有望下呢個過下眼癮 加埋彩虹橋做背景 左轉就會係DECKS Tokyo Beach、Island Mall同AQUA CiTY三個相連商場裏面有Gap、Adidas、Coach等行下就夠，反正價錢一樣，都係出番新宿買算然後兜一兜圈、行左條天橋就到Fuji TV富士電視台我無上去個球體展望台，因爲其實都好矮下個高度未令我心動去買飛上去 裏面有日本男女排代表人物對服展出身為排球迷當然知道係木村沙織同石川佑希 模疑直播間，不過要隔住玻璃影 離開Fuji TV行一條長天橋就會去到DiverCity Tokyo Plaza如果大家稍微對東京有少許認識應該會知道好多人前黎打卡嘅巨大高達 呢個高達號稱同漫畫中高達嘅比例一樣，都係1:1遠處望到個陣已經覺得好高，近距離望仲更加不得了更加顯得我呢個小矮人矮其實我對高達認識唔深對呢個展出嘅高達亦唔知係咩型號我自己都係純粹保住打卡心態去而DiverCity Tokyo Plaza入面人都好多裏面有多間食肆、時裝好似AEO、Wego、H&M、Zara、ABC-Mart都有其實幾好行黃昏時間我行過去VenusFort VenusFort入面有一個超小型Outlet入面比較常見嘅GAP、Nike、Levis都有，同出面折扣一樣 我上年去日本個陣outlet嘅Nike好平但今年去左兩個outlet都覺得好貴VenusFort都係一個好好行嘅商場人流還好，但通道好濶而且裝修都好得 入黑後安排左今晚去大江戶溫泉物語浸溫泉因爲今次旅程安排晤到去箱根/輕井澤所以就試下大江戶而我都一早係klook買定飛，因爲平過現場買！ 可能今日星期六嘅關係，人特別多排到出門口我都O左嘴幾經辛苦先入到去嘅地方以下三張用手機影 大勝軒沾麵Dinner 新宿大勝軒沾麵見有少少餓，所以就返新宿搵食 我自己好中意食沾麵因爲個冷熱溫差口感真係好特別而係新宿最出名嘅沾麵有兩間1. 大勝軒 2. 風雲兒但我返到新宿個陣已經8點幾而風雲兒好似9點Close所以就去大勝軒呢個老牌子大勝軒以前係一個老師傅做老闆不過退休之後就交比好多個徒弟係不同分店打理但自從交比徒弟s打理後 聲名大跌好似京都、香港分店更加比人踩得好犀利所以我都係去由大弟子領銜嘅新宿店食比較放心 我叫左個特製つけ麺 980Yen麵好多 個湯同無敵家沾麵比清淡好多，有洋蔥、大蔥個類味係可以勉強飲到嘅濃度，好適合沾麵入門者但對於我呢個重口味人士就相對無太大吸引力而蛋係令我比較失望中間流心部分已經無乜蛋黃外層基本上係熟 Overall黎講味道係ok但我會認爲無敵家、風雲兒同我最後一日會食嘅六厘舍在大勝軒之上食完再周圍行下就歸家準備聼日另一個我超級期待嘅地方賣個關子 聼日會去琦玉縣！
