築地市場 (舊)今日我好早起左身原因係因爲我要去築地食壽司大!如果有做功課嘅朋友都應該知道,如果要食壽司大就必須天未光就要去排隊我其實出發去日本前已經plan好打算5點出發去食但琴日行得太多,結果訓多左最後6點先出發而結論就係,我對自己遲起身感到後悔去到築地個陣天未光,靠google map行去壽司大同網上d blog一樣,條人龍已經要排到去街度由於當時環境太黑,影出黎嘅相都係黑曬龍除左好多遊客之外,本地人數目都非常多證明呢間不單只係得旅遊書介紹,都受本地人推崇我前面大概有8-90人左右,我起初以爲10點左右都有得食但最後.......壽司大大概7點半已經截龍認真巴閉 魚市場d車不斷運送新鮮嘅魚去唔同地方店家好好人,會出黎派熱茶比排隊中嘅人提醒大家,如果要食壽司大真係要做好心理準備因爲真係要排超耐如果大家唔想等太耐,不妨考慮另一間叫大和壽司,都係非常熱門嘅壽司店大和壽司有兩間鋪,所以手腳相對慢d我6點幾去到,大和壽司門口都無咩人而另外,鮨文、壽司清呢d其實都係非常出名嘅壽司店,都非常有品質保證但我上次去東京無食到壽司大,而且又超出名,所以特別想試!先至會晨早流流去排隊幾經辛苦我終于有得行去壽司大店面排隊 但個陣已經係11點嘅事我由起身到11點完全無野落過肚,可想言之我有幾餓但我就算去到店面前,我前面都仲係好多人比大家望下個招牌基本上10點後所有築地場内市場食肆都排滿曬人所以大家都要準備排隊再比大家望下四周人龍 終于去到第一排望住塊玻璃,幻想自己已經坐底左,品嘗緊 有得入去個一刻心情好興奮排左6個鐘頭 覺得自己cls我被安排到最入個位 燈光比較暗淡 搞到影相都影得唔靚 比較難對焦入得黎嘅食客基本上都係叫4000Yen嘅套餐(讀音叫O-Ma-Ka-Se)有麵豉湯、玉子燒、9貫推薦壽司、1貫自選壽司、4舊卷物分量對於女生一定好飽,對於食量普通嘅男仔就都完全足夠大概一位師傅負責4位客人呢位就係負責我套餐嘅師傅,超級cute 會用廣東話介紹壽司名 (雖然聼唔聼得明係另一回事)而且人好nice,又成日笑仲讚我隔離幾個香港女仔Kawaii 首先先呈上麵豉湯無咩特別,熱辣辣嘅湯飲落胃好舒服 之後第一件手握壽司就係中拖羅壽司只能講超級肥美,而且好鮮甜一放落口要兩下就自己化開對於係香港一向係平民嘅我完全未試過呢種級數嘅鮪魚就算係黑門市場都爭幾皮一試難忘 然後要講海膽壽司海膽壽司做好比我個陣,上面已經加左少少豉油而且師傅都提醒我無需要再點任何wasabi同豉油擺入口,海膽雖然已經有豉油係上面但都蓋唔到海膽鮮味同甜味,而且無腥味果然係新鮮先做到 仲有北寄貝都係非常好食好彈牙,好鮮甜 玉子燒都係熱辣辣,而且甜度適中 而且係呢度我都試到平時比較少食/抗拒嘅魚生好似金目鯛、竹莢魚、鯖魚等每款魚嘅口感都唔一樣 點擊圖片放大 +3 而自選手握壽司我就選擇左中拖羅壽司只能說超級肥美 真心好好味 如果你問我有無後悔排隊我會答你無後悔因爲食物真係新鮮而且有幾何會成日黎,一次半次姐但如果你問我會晤會再排我會答你唔會雖然個食物質素同價錢比係成正比但另外都要計算埋time cost下次再黎,我會考慮其他壽司店 食到好飽 ,比完錢拍拍蘿柚走人去邊?當然係去場外市場掃街啦!行到場外市場第一件事一定係搵玉子燒因爲我實在太中意食玉子燒就算係香港食放題都一定要叫,所以成日比朋友閙我食cheap野首先映入眼簾係丸武買左原味100Yen丸武蛋味都算重,甜度適中,底部煎到有少少金黃色 再行一行就見到另一間名氣玉子燒店--大定同樣地我都係叫原味120Yen相對黎講甜度高少少,底部都無煎到金黃色 我自己偏向丸武因爲蛋味香少少,而且都夠甜然後轉個頭又買左個士多啤梨大福食士多啤梨好甜,紅豆蓉都非淨係得糖水,而係紅豆味好出 星期六嘅築地市場真係好多人,水洩不通 離開之前仲去左轉本願寺