延續上一篇 六日五夜獨遊東京(2) : 鎌倉 江之島一日遊 上醫飽完個肚就周圍行下啦頭先lunch排隊都排左半個鐘,食完都已經3點然後把握時間去神奈川著名神社--鶴岡八幡宮 進入神社前沿途都有好多小攤檔售賣小食價格都ok 大家可以試下好快就去到門口今日雖然係閑日 但人流都好多 其實鶴岡八幡宮唔算好大如果之前去過日本其他著名神社其實會對呢種神社開始麻木因爲鶴岡八幡宮特色唔算鮮明之後就去到鐮倉商店街--小町通り小町通り有好多小商鋪我由後面行起 因爲比較鄰近鶴岡八幡宮 比大家望下鐮倉站個邊小町通り入口 小町通り入面有好多款小食好多都好有特色!首先係夢見屋烤丸子! 烤丸子係日本傳統甜品,非常常見我揀左個非烤嘅丸子 紅豆泥丸子 紅豆泥好有紅豆味 唔會好重糖水味 而且好綿而小丸子就好煙靭,配合起好正另一樣我要介紹嘅係魚餅!大家認住一定要去鐮倉站個邊小町通り入口附近個間 有幾款味 我要左咖喱味咖喱味超濃 而且好夠熱好味!都只不過220Yen 其實小町通り仲有好多望落好正嘅小食如果大家食過咩好食歡迎同我share行到4點幾把握時間返去江之島去另外一個我好期待嘅Samuel Cocking Garden 有人會覺得我好奇怪 點解唔一早行Samuel cocking garden,而要特登再番去呢? 1. 有pass 其實都唔會浪費車錢 2. 你望下我跟住落黎嘅相就會明白千辛萬苦趕到4點9到達江の島大橋見到日落真係超級靚加上背景係海同富士山 OMG!!!!不過因爲係黃昏 所以富士山已經睇得好模糊 因爲都趕時間 所以買左電梯卷 360Yen搭三段電梯直上samuel cocking garden Samuel Cocking Garden入場費200Yen如果你要去埋展望台就要比多300Yen但因爲我覺得仰視個塔仲靚所以無比呢筆錢比大家睇下未入黑前嘅Samuel Cocking Garden先點擊圖片放大 然後我走上展望塔第二層 係一個免費平台個平台其實都已經夠望曬四周環境 捱住凍 坐係個平台度等等嘅就係搭正5點亮燈一刻無錯 係5點亮燈 因爲日本冬天好早天黑 基本上4點半已經日落終于亮燈啦!點擊圖片放大 +2 我四周圍影相點擊圖片放大 影影下都已經7點幾周圍都黑曬我都徒步落去 準備番藤澤搭車返回東京都沿途雖然黑曬 但零星燈光令周遭環境更加迷人 片瀨江之島有直接回新宿嘅班次不過我要係藤澤買野 所以先去藤澤我要去嘅地方其實係一間超市,叫做業務超市相信部分人都聼過呢個超市入面賣嘅野超平!午後之紅茶一支都係75Yen,2L水 88Yen仲有好多零食同日常食品因爲我住個頭無業務超市所以係藤澤買完直接返新宿都方便其實業務超市好多地方都有分店大家不妨search下自己住個度有無分店認住呢個牌! 買完再搭車返到新宿途中經過GAP 見到大特價又破費左