6/1/2017 鐮倉及江之島之行我特意選擇呢一日去係因爲平日人流相對較少好似鐮倉及江之島屬於假日熱門旅遊地方除左旅客，就連日本人都會前來呢度玩首先要去小田急新宿站買張江之島−鎌倉周遊券 ￥1470包新宿 -- 江之島/藤澤來回 + 江之島電鐵線任搭可以話無敵划算 我乘搭由8:18am新宿開出之列車9:30am到達片賴江之島站 沿指示牌一直行就會行到連住江之島嘅橋 今日天色超好，藍天少雲，所以好多景都好清晰而且可能平時說好話、做好事、存好心居然比我清晰地見到富士山！平時如果天色稍微差少少都見唔到靚到以爲好似有個佈景板 沿途我都放慢腳步慢慢欣賞如此美景心裏面都同自己講下次再黎關東地區一定要去富士山同河口湖今日真係好好彩，除左天色好，人流亦比較少我可以唔洗聼住一大堆廣東話同普通話 慢慢行上去，四周都係賣食物同小飾物嘅鋪頭徒步而上，好快就去到第一個景點江島神社 行到上去就見到呢個小池傳説話只要將自己嘅比池水洗滌過就會財運亨通同我地中國人平時講嘅遇水生財應該係一樣原理 我當然都入鄉隨俗放幾個銀去生下財，畢竟我都想發達單手渣機影得好差 沿路行其實就可以行曬江島神社 之後我再一直跟住條路行 行去我係江之島最期待景點稚児ヶ淵稚児ヶ淵位于江之島嘅背部由江島神社行入去都需要15-20分鐘以下都係邊行邊睇到嘅景色，相當宜人 幾經辛苦(其實都唔係好辛苦)終于去到稚児ヶ淵個環境好靚，遠望可以同樣清晰地睇到富士山而且海一望無盡好似置身係海岸綫我即刻忍唔住行落去 呢度望富士山似乎更清晰更近事實上其實係我zoom近左 哈哈但都真係好清點擊圖片放大 我係個度自拍左好多相我大概逗留左幾個字就沿路折返途中經過龍戀之鐘嘅入口我就無入去，畢竟龍戀之鐘其實係戀人之丘係戀人聖地 好多日劇都係呢度取景但我單身寡人就費時觸景傷情、徒添孤獨啦比個入口大家望下我有朋友去過都話個景色好靚 行返出去江之島大橋再跟住google map行去江之島電鐵江ノ島駅前往下一個目的地 呢一日因爲天氣比較凍所以都有利用自動售賣機售賣嘅粟米湯取暖一禁落黎個下好熱飲落去都真係幾好飲，好香粟米味 離開左江之島，我就出發去一個籃球迷一定會覺得好熟悉嘅地方 - 鎌倉高校前其實我無睇過呢套動漫，但見好多人都會去影相而且影出黎效果都幾好 所以都去下一到步其實都好多人企左係個位影相我都當然唔執輸 即刻搵個靚位 等左一陣終于有列車經過啦！ 但可惜太快 好難捕捉到個時刻我企左15分鐘左右都影唔到似樣嘅為免影響行程 我都係決定離開 個站真係好舒服之後就出發去位于長谷站嘅高德院高德院最出名嘅地方其實係裏面有一尊大佛大佛係全日本數一數二大 僅次于奈良東大寺大佛同東大寺大佛相比 鐮倉大佛保留左最初嘅外貌 而東大寺大佛則經過大量人工修補 其實好多神社、寺廟都會有呢個好似洗手嘅地方呢個位係用有清潔自身嘅意味，行爲代表淨身，以顯示對神明嘅尊敬日本叫做手水舍 1.先用右手攞起勺子舀水洗左手 2.再用左手拎住勺子，用淨番嘅水洗右手 3.用右手拎番住勺子，將水倒係左手然後灌入口，用作漱口 4.而最後垂直番個勺子，將淨番嘅水流番出黎，淨潔番勺子必須特別注意，上述步驟必須使用「同一勺水」！！ 如果你問我大佛如何 我會答你香港天壇大佛更爲壯觀而且呢度只係望下大佛 就要比入場費雖然係理所當然 但我認爲香港天壇大佛更加值得去所以我只係逗留左一陣就走我無去到長谷寺因爲上網都見到好多blogs都話其實無咩特別，而且又唔係大所以無安排到入行程キャラウェイ （咖喱飯)跟住我一路搭到落尾去到鎌倉站當時其實已經2 3點，我超級肚餓本身Plan左係江之島食出名Pancake店Eggs'n Things但最可惜係我去到個陣已經好多人排隊所以最後放棄左 捱住肚餓去到鎌倉先食我呢個遲來的午餐選擇左一間係鎌倉非常有名氣嘅咖喱店 キャラウェイ 一個咖喱飯配大飯都只不過￥7_0超級飽 就算男仔都一定夠飽！不過呢間鋪多人到..... 我等左半個鐘終于入到去而且令我非常詫異係，裏面全部四人枱，但店家係不允許搭枱所以我一個人係霸曬成張枱，超級唔好意思啊搞到我都渣渣聲食完就撇，費時阻住人地生意如果係香港，一定將我塞去前面個三人家庭張枱兩邊做法其實有好有唔好，視乎你偏重咩方面我自己雖然超尷尬，但都開心唔洗同人同枱等候嘅人9成都係本地人，證明呢間一定係貨真價實我叫左個咖喱牛肉飯店家有英文menu 可以問店員攞 會奉送一個沙律仔無沙律醬 係用醋加鹽水不過有少少咸 可能係中和咖喱之用可能大家會奇怪 話牛肉點解好似無見到原因係因爲牛肉已經煮到爛曬，融入曬係個咖喱汁入面所以食咖喱同時你會食到好多肉絲另外咖喱汁好"傑"身，完全唔會整到白飯好濕入口個陣你唔會覺得濕淋淋，反而會覺得白飯係配上咖喱一齊擺入口呢個咖喱唔係全日式咖喱，似係mix左日式同印度咖喱因爲有少少甜味之餘，又好香香料味，而且都保留辣味我暫時係香港未食到呢個級數嘅咖喱。由於字數太多，所以我分成上下兩part介紹行程
