話雖12日,但其實只有11日。點解?之後解釋比你聼! 呢次旅行,因爲搶唔到最平個批HK Express飛,所以只好貴少少。機票+行李(同我個fd平均分 去20kg 回30kg)+稅 = ~HKD1500。呢個價錢雖然廉航黎講稍微貴,但比起傳統航空已經平好多。 去程時間十分一般,15/5下午4點上機,抵達時間為日本時間夜晚8點幾。所以根本上呢一日廢左,變成11日。不過好彩回程時間都還可以,日本時間夜晚8點15分上機,番到香港大概夜晚11點30。 今次平遊日本,主要原因係小弟窮,其次因爲平在選擇交通方法、住宿等環節,並非飲食、購物等(小弟已準備瘋狂Shopping)。所以我稱爲平遊而非窮遊。 撇除機票同住宿,我兌左1萬2千港紙(171000Yen),而最後淨左(41000Yen) 如果從未去過日本嘅朋友,我強烈地建議多作事前準備,多了解當地的交通、地點等,否則大把苦頭你吃。 1. 交通方面,IOS的朋友我建議下載一個叫"乘換案内"嘅App。呢個App十分方便,會幫你計算從A點到B點最快的路綫和轉車方法,車資和時間。這樣你就可以輕鬆地Plan行程。 2. 上網Check多d唔同嘅鐵路Pass,唔好以爲全日本只有JR。在大阪,JR嘅使用度可比一般地下鐵低很多。但在東京卻係JR比較方便。 3. 多留意下日本人嘅禮儀。日本人很講禮儀,尤其在食店和寺廟,都有一套嘅原則。 4. 兌Yen方面,唔似台灣,日本當地兌換率係好差。所以一定要係當地兌好先出發比較好。 5. 放心地問,日本人大多都好友善,會盡力幫你。 ---------------------------------------------------------------------------------------------------------- 15/5/2016 (星期日) 由於我乘搭下午4點嘅飛機,所以我2點幾就到達香港國際機場辦理登機手續。 (切記,HK Express登記柜位設於2號客運大樓) (原諒版主呢一刻無相比大家,因爲時間好趕,所以黎唔切影相) 今次係我第一次搭廉航,感覺良好。 比起傳統嘅航空公司,廉航嘅座位比較窄 但好彩我肥唔曬,坐得都算舒服。 不過我同行超過1米8嘅友人就比較辛苦,可能係腿短嘅好處.....(自我安慰) 航班非常準時地於當地時間8時50分抵達。 行完一段路、通過入境手續之後,就正式宣告自己已經進入日本!! 我們行到去Informtion centre (位于出境大堂中間位置)買我們今次旅行需要嘅交通Pass。 Informtion centre實在非常方便,基本上所有Pass都可以係呢度買得到。 之後我會陸續爲大家講一下我買左咩pass。 買完之後,睇準時間就去乘坐南海電鐵嘅空港急行。 相信很多人會問點解我地晤坐Rapit列車而是乘坐空港急行的列車呢。 原因在於Rapit列車最平都要¥1130/38分鐘 (預先購買);空港急行只需要¥920/44分鐘 只相差6分鐘卻貴¥210,對於追求能省則省嘅我,當然選擇後者。反正坐飛機都已經坐夠。 有很多人選擇乘搭這個,應該也是因爲便宜吧 由於我地住的地方位于美國村,因爲乘南海電鐵到難波站(總站)行過去就得。 呢次係我地第一次利用上Airbnb,因此爲免中伏,八天裏我同友人住左兩家唔同嘅房,每家四日。 頭四日嘅家就是位于美國村。 因爲感覺普通,所以都無咩影相,住下就算 選擇住美國村嘅原因係因爲我們之後兩天會分別前往神戶同奈良,臨近難波係最好。 呢間屋係無床板得床墊,類似Tatami,床算大,整體感覺不會太舊,但勝在平(每晚HKD400左右,再用上airbnb的優惠就變成3XX) 不過設施算齊全,都好整齊,會再考慮。 如果未用過airbnb的朋友,可以使用我呢條Link申請帳號www.airbnb.com.hk/c/kachuns3,會得到250HKD的折扣 因爲搵間屋搵左好耐,都差唔多11點先搵到。而擺好野之後,都就快12點。 由於非常餓亦非常累,我們只係到附近嘅日本連鎖丼飯餐廳-松屋 隨便食d野。 對我黎講,食得飽其實好重要,畢竟我係一個大胃王。 而松屋其實我都好想試,睇下同香港吉野家有咩分別。 到左之後,幸好無咩人,我們就望著點餐機左睇右睇研究點用。 試過一次之後,發現原來好方便,之後再用已經好流暢地使用。 我揀左一碗大盛嘅牛肉飯¥390,附送味增湯。 量好足,味道都可以,味增湯送嘅就無野講啦。 因爲香港嘅廉價連鎖食店大多都不濟,因此我到日本對呢d廉價連鎖食店並無任何期待。 飯黎個陣我試左幾啖,發現果然同香港好唔同。 日本牛肉汁帶有甜味,而香港X野家就只有鹹味。 而且呢度衹係¥390,分量已經好大。 我知道很多人覺得松屋十分普通,但我認爲這樣的價錢實在唔可以要求太高,是屬於性價比十分高嘅餐廳。 選擇超級多!! 而呢一日因爲太累,所以都好早就休息,準備第二天嘅神戶之旅。 如果想支持下我,就係Comment度比d留言我,等我打得心甘情願d啦xd 老港孩都想有人支持下><