旅生離到日本, 無論係邊一度, 真係覺得是但行入一間舖頭都會好食! 1. 極味や博多店 (地址: 福岡市博多区中央街2番1号) 係博多JR站行大約5分鐘就到喇! 上次旅生去個時只係6點鐘, 已經排哂長龍! 排隊嘅時候, 侍應會比MENU你睇同埋幫你落單先, 咁入到去坐低就有得食喇! 點擊圖片放大 2. ひょうたん寿司 (地址: 福岡県福岡市中央区天神2-10-20 ２,３Ｆ) 呢間壽司店又係要排長龍, 我6點左右到, 前面已經有10幾人等緊喇, 好誇張呀!! 今次被編去坐BAR檯, 壽司師傅會一路整壽司, 一路同我地傾計! D壽司整好就送到我地前面, 好新鮮呀!! 鍾意食壽司嘅你千其唔好錯過呀! 點擊圖片放大 3.佐賀牛レストラン季楽 (地址: 福岡市中央区西中洲6-8 2,3F) 我諗去得福岡, 大家都會識得季楽! 今次旅生就揀左2樓嘅燒肉試試佢, 預先我已經BOOK左位喇, 一去到就入得! 提提大家, 如果預算唔多嘅朋友, 可以好似我咁揀LUNCH TIME離食, 因為佢有LUNCH SET, 會抵好多架! 點擊圖片放大 +2 望住呢個境食嘢, 真係咩都抵返哂啦!
