旅生認為住宿係旅行當中係好重要嘅一個項目, 主要會揀返交通方便嘅酒店! 今次就同大家分享返我係福岡，別府，由布院住過嘅酒店! 旅行日期: 26/2 - 3/3/2017 **福岡** 因為個期太full, 所以我係分別住左2間酒店 1. 博多東急REI酒店 (HKD$6xx/per room per night) 博多站行到酒店大約5-10分鐘, 沿途都係平路同埋有扶手電梯, 所以拎住行李都好方便! 今次我預訂嘅房型係Double Non-Smoking Room, front-desk有識講普通話嘅staff , check-in亦都好快就搞店可以上房! 房嘅空間可以打開2個行李，浴室設備你需要嘅都會有, 乾淨企理。 2. Hotel Mystays Fukuoka Tenjin (HKD$4xx/per room per night) 呢間酒店位於天神站, 沿天神地下街行到酒店大約10分鐘, 都唔算太遠! 而預訂嘅房型係Deluxe Double Non-Smoking Room, 房間係日本離講算足夠, 同樣可以打開2個行李都仲行到, 但浴室較細, 得1個人嘅身位! 同埋呢間酒店明顯較博多東急舊小小! 雖然如此, 但旅生仍覺得高CP值同抵住! **別府** 1. 西鐵Resort Inn別府 (HKD$4xx/per room per night) 之前上網睇呢間酒店評價幾高, 去住完覺得佢地講得一D都無錯! 價錢超值, 有溫泉提供比住客, 房間乾淨, 大門旁邊就係別府地獄嘅巴士站, 總括而言, 一流!! 但大家要留意呀, 酒店冬天只有暖氣提供咋, 香港人可能會唔係咁習慣, 房窗係可以開的! 點擊圖片放大 同埋酒店嘅早餐係自助形式, 都幾抵食 500YEN 1位咋! **由布院** 1. 志美津旅館 (HKD$20xx/per night) 呢間旅館其實係位於由布院過小小嘅湯平站! 呢度唔係一個遊客區, 環境好舒服空氣好清新! 我地到湯平車站時, 旅館staff已經到左接我地喇! 好warm呀!! 佢係一間家庭式嘅酒店, 房間唔多, 就係因為咁旅館staff可以照顧到每位客人嘅需要! 點擊圖片放大 今次旅生住嘅係和式房10-14帖榻榻米, 一入房已經見到為我地準備好茶點喇! 係旅生最愛嘅MOCHA呀!!! 點擊圖片放大 +3 浸完溫泉就換返件浴衣去食晚餐喇! 一開始時老闆出左離招呼我地, 好好人咁問我地想聽咩音樂! 呢d細節係大型嘅旅館係無架, 我地要好好珍惜! 晚餐都好豐富架, 有呢度好出名嘅豐後牛, 脂肪分佈平均, 唔會太油! 有好多都掛住食無影到相! haha 最後送上幾張湯平嘅風景比大家啦! 點擊圖片放大 +2
