由於放咗工，好想食日本野，所以相將朋友去依間日式丼專門店，食魚生飯，友人特別鍾意食魚生，而且見唔少blogger 影嘅相，都係大大碗，好吸引，所以今次決定一試。點擊圖片放大 +2 門面装修十分之日式，入到去有唔少日式油畫喺牆上，四周都比較光鮮亮麗，座位都十分之闊落，果日大約7點食，所以比較少人。 點餐除咗有餐紙，店員會比部iPad ,入面有食物圖片嘅參考照片，十分之貼心。而且有味噌湯，可以任飲，飲幾多碗都得，味噌湯鮮甜，味噌濃郁。 蟹三味$238 一碗由松葉蟹腳丶蟹肉同蟹籽，再配上青檸介芥未，組合而成嘅丼飯。蟹柳肉質鮮美，蟹肉同蟹蓋滿了飯上，有一定上嘅滿足感。蟹籽脆口，蟹肉鮮甜。 蒲燒鰻魚$88 鰻魚燒得可口嫩滑，肉身肥肉，肉質鮮美而不帶腥味。 海膽三文魚籽丼$208 由海膽丶三文魚籽丶原隻雞蛋黃同蟹籽組成，三文魚籽爽口通透丶魚油飽滿，海膽輕輕燒過，不腥而甘甜，生雞蛋很大粒，撈飯一流！ 整體不錯，食嘢質素鮮美而大份。
