餐廳係上環大馬路轉上去既斜路内，裝修幾現代既越式小店，入面有廿幾個位，更由越南老闆娘親自主理同下廚。 點擊圖片放大 有一排座位係對住街坐，外面有一啲街檔，感覺有啲似小區咁人來人往，入面就有兩張長枱，十個八個黎都無咩問題。 點擊圖片放大 +4 越南河緊係咩都試哂《河内綜合湯粉》($64)，一上桌份量唔少，餸料有生牛肉、牛肚、牛丸、札肉、牛腱，湯頭幾甜河粉幾滑身，不過欠左啲米香味，牛肉有啲過熟。 點擊圖片放大 +3 想食番個辣辣地既野，《順化牛肉湯檬》($60)同樣有牛腱、札肉，仲有一小舊牛骨，證明用牛骨湯燜，食落酸酸辣辣幾惹味又唔太辣，檬粉幼身唔係太索得哂湯汁。 小食叫左《牛油蒜香雞翼》($56)，雞翼新鮮整熱辣辣，個碟有好多好多牛油，雞翼個皮夠脆同唔會好厚身，牛油唔係太上到味。 店名：小河內 地址：上環永吉街28-34號永吉利商業大廈地下D舖 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE 歡迎合作或查詢: Email: kjfoodlife@gmail.com 餐牌: 點擊圖片放大 +3
