正所謂嘆下午茶最好緊係配靚景，對住維港慢慢嘆個人都開心啲，食個泰風味下午茶，混合左泰國煮法幾特別。 點擊圖片放大 一行入門口已經有個大大既藍色壁畫迎接你，入面仲有好多唔同既特色既裝飾，好似呢個能咁樣，好多設計都好有心思。 點擊圖片放大 +3 識食緊係對住個海食，今次有幸咁坐係窗邊位，望出去就係維港景真係識得嘆，成個場地都好闊落，下午茶都真係幾多人。 點擊圖片放大 +3 今次叫左個二人既下午茶，《Afternoon Tea Set》($168)最特別係用左金雀籠載住咸甜點好精緻，最底層既咸點有彈牙又脆既香脆蝦餅、泰式春卷、泰式比利時炸蝦。 點擊圖片放大 中層既就有清新柚子蟹肉沙律卷，食完炸野可以食柚子清一清，超可愛既雀仔造形皇家宮殿蒸餃子，入面係包左咖喱餡料。 點擊圖片放大 最高屠既甜點有香香既班蘭撻、Aftertaste夠辣味即泰式辣朱古力缾、幼滑提拉米蘇杯。 好特別既野飲《水仙芒果糯米飯沙冰》(+$25)，用泰國水仙芒果打成既沙冰，有啖啖芒果香味，入面真係有埋舊舊糯米飯，凍冰冰食又幾特別。 店名：藍象泰國餐廳 地址：尖沙咀廣東道3-27號海港城港威商場3樓3303號舖 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE 歡迎合作或查詢: Email: kjfoodlife@gmail.com 餐牌:
