度度都開台式珍珠奶茶，如果想飲得健康啲梗係要揀新鮮果汁，小巷之中都做到有小清新風，岩哂女孩子去打卡。 點擊圖片放大 +3 用上左白色藍色，仲有好多植物同道具俾大家打卡，成個感覺都好台式文青既小店舖，唔少女仔都拎住不停咁影相。 見到門口放左幾杯介紹既飲品都好靚，另外有整好左既生果，即時夾去整果汁夠哂足料。 點擊圖片放大 +2 先試左《鈕扣》($36)，上面有個花好精繳，果汁即叫即榨，用上左覆盆子、香蕉、菠蘿幾種水果變做漸層色，再加入蜜糖同perrier，夏天飲有汽既野特別爽，仲有啖啖既足料果香。 第二杯係勁靚既《芭比情歸何處》($36)，呢個玩味性重既名原來係杯打卡飲品，成杯好似七彩雲咁勁靚，水果用左草莓同藍莓形成藍粉紫色，加入燕麥牛奶整成milkshakes，奶味好出仲有燕麥既咬口同水果酸酸甜甜。 店名：花甜果室 地址：尖沙咀加連威老道52號嘉蘭大廈地下C號舖 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE 歡迎合作或查詢: Email: kjfoodlife@gmail.com 餐牌:
