嘛嘛地唔通真係嘛嘛地咩，食過你就知味道，台灣黎既咖啡店，一貫台灣咖啡店作風，環境好舒服同好多好正既標語。 點擊圖片放大 +2 門口既設計已經好有玩味，成個線路板一樣，入面就好有台灣咖啡店既感覺，簡單得黎又有設計，而且坐得好舒服，仲有個設計到好似小花園咁既地方。 點擊圖片放大 +3 台灣既咖啡店一直都係設計多多，而且充滿左好多唔同既字句，一入門口就會見到個蕩失路既牌，同埋門口有個經常肚餓既標語都好有趣。 點擊圖片放大 +2 整到好似小花園咁既用左一啲紅磚既設計，仲放滿左好多唔同既植物，另外仲有個蛋糕櫃大家可以揀，台上面都放左個靚靚既樽同花。 點擊圖片放大 小食叫左《明太子脆炸薯條》($38)，用左個籃仔做擺盤，薯條炸得好香脆不過唔會好油膩，上面就沾左啲明太子，不過可以再香辣少少。 點擊圖片放大 +2 主食就叫左《千島軟殻蟹芝士比薩》($128)，真係一大隻軟殻蟹上，仲要面層炸得勁香脆，Pizza夠薄身咬落又勁脆，上面仲有菠蘿同蟹肉，最正係居然有薯蓉做餡呀。 點擊圖片放大 另一份叫左《都幾辣的泰式打拋豬烏冬》($108)，呢度既名好多都好玩味，好似黑到痺求求其其炒你魷魚都係菜名，呢個真係辣度幾夠又好多肉碎既泰式烏冬，烏冬較濕身仲有兩大塊香脆蝦片。 點擊圖片放大 野飲叫左《焦糖脆脆咖啡沙冰》($48)，大熱天時緊係要飲杯凍野，上面放滿左焦糖脆脆，飲落冰沙好涼爽咖啡味都濃，最有心思係杯墊都有設計。 成個好古色古香既《洛神花柚子茶》($45)，打開見到入面真係真材實料好多洛神花，飲落酸酸地夠膩。 店名：嘛嘛地 地址：銅鑼灣霎西街28號必發大廈1樓 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE 歡迎報料同合作: Email: kjfoodlife@gmail.com Mobile: 63525193 餐牌:點擊圖片放大 +4
