補祝各位新年快樂,黎緊一年搵多啲,點食都瘦,愈黎愈靚,趁芝士火鍋延期到二月先完,前排去左團年食番餐。 大多數都係卡位,就算多人都坐得幾舒服,傾計都唔算話太嘈都唔錯。 有吧位可以飲下酒都幾寫意,有某啲位既設計都幾有特色,上面既燈都幾靚幾型格。 點擊圖片放大 +2 幾個人叫左大份量啲《特級芝士火鍋》($278),勁鍾意食既超脆農夫包粒,點芝士真係勁夾,都幾大盤麵包粒又夠脆點滿芝士正到爆。 點擊圖片放大 +3 另外仲包左手工流心芝士年糕同紫薯年糕,點完芝士仲食到入面有流心,仲有勁大盤炸薯條,另外有幾大舊豬仔骨不過肉質都幾鞋同韌。 一定要整個《韓式炸雞》($168),炸雞本身係香港食既店黎講都算滑,點埋火鍋就變芝士炸雞,望住啲芝士滴落黎真係點忍,仲可以添加一次芝士添架。 因為有幾個人所以再叫左個《濟洲島海鮮薄餅》($160),餅底係薄批都幾脆身,不過面頭既芝士唔算太香,海鮮料都唔算係有好多。 點擊圖片放大 另外叫左《柚子梳打》($38)同《菊花蜜特飲》($58),柚子都幾足料,菊花蜜真係有大大朵菊花係度好搶眼。 店名:Sodam Chicken 地址:銅鑼灣耀華街3號百樂中心7樓 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +2