今次呢間真係隱世小店，行到勁入既工業大廈再要上樓，再入去呢個唔起眼既門口，原來係兩兄弟夾份開既餐廳。 點擊圖片放大 地方夠闊落，可能實在太隱世真係無咩人，門口都放左個裝飾櫃，店主其實好有心機，仲會介紹唔同菜式，仲同我地講如果早啲打上去可以特別幫我地設計野食添。 點擊圖片放大 店主推介食既《法式焗田螺》($88)，粒粒田螺勁大隻，提左我地食完要倒埋螺入面既油落薯蓉食，撈埋真係勁香勁滑。 點擊圖片放大 另外推介《蟹肉雲吞配黑松露忌廉汁》($88)，四隻都勁大隻入面包左勁多蟹肉超滿足，啲汁勁濃超夾，食完仲要倒埋啲汁黎食。 意粉叫左《帕爾馬火腿野菌意大利粉》($108)，可能前兩樣太出色，呢個反而有少少普通，意粉軟硬度幾好但個汁唔係好入味。 甜品其實無咩選擇，本來都話得雪糕，咁岩見到仲有個《紅酒燴梨配雪糕》($38)，下面粒粒既梨淋哂仲好入味，上面雪糕係自家製幾好食。 店名：Bro's Cuisine 地址：觀塘成業街19-21號成業工業大廈2樓13室 即刻入去Like & Share埋我地既其他頻道: Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大
