太子變左幾間cafe集中地，門口已經放左兩個木馬裝飾，果然夠哂吸引人，入面都幾細，放埋哂位一齊坐得都幾密。 門口就係放左呢一大一細既旋轉木馬，岩哂你等位果時影下相，又可以望下，上面果個都幾靚同真係好大個。 點擊圖片放大 之前聖誕節入面都有唔少聖誕裝飾，每張椅背都有聖誕老人或者聖誕鹿椅套好可愛，仲掛左唔少聖誕裝飾係牆。 最吸晴莫過於呢個相片牆，好多黎幫襯既客人既即影即有相，仲有埋日期係上面，下次自己黎睇番都得呀。 打開餐牌一望超有驚喜，居然有個立體旋轉木馬，好似以前收聖誕卡一樣，一打開就會有個立體圖案出現左。 叫左兩個餐，有兩個湯先送到，今次係忌廉湯，熱辣辣好溫暖，仲幾濃身夠哂料。 叫左兩個麵《蟹籽蟹棒忌廉意大利寬條麵》($73)，寬條面夠爽同彈牙，不過個汁有啲淡，蟹棒就正常水準無散哂。 仲有《煙三文魚蜆肉天使麵》($73)，有幾舊蜆肉三文魚都唔係太多，個汁幾傑身痴上天使麵，食落算係乾身。 小食有《黑松露薯條》($43)，薯條夠熱夠香，不過黑松露醬唔夠香口，小店係幾用心做既，同真係幾多人幫襯架。 店名：Cafe Paradise 地址：太子界限街23號地下C舖 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +2
