專食Crepes既地方唔係有好多，中環呢間小店專做Crepes仲有咸食同甜食可以揀，另外仲有正餐同甜品都可以食。 點擊圖片放大 經過小門走入去地下室，去到呢間隱藏既清新文青小店，用藍白色設計好似係晴天既春田一樣，好天既時侯仲可以坐埋戶外位。 有一系列既酒放左係度做裝飾，真係好似地下室酒櫃一樣，仲有放左好多nutella用黎整Crepe同樣飲。 仲有不少既甜品賣，包括左呢D Cupcake，見到下晝都已經俾人掃哂咁濟。 點擊圖片放大 先叫左個小食，係芝士條同魷魚圈既選擇困難症入面，最終揀左《Calamari》($70)，因為好耐無食過，炸皮唔算厚身，魷魚都幾大隻。 特別既係有可麗餅食，叫完之後已經聞到煎餅既香味飄埋黎，先黎咸食《Sassy Salmon》($106)，薄薄既餅中間夾左幾大塊煙三文，搭上洋葱同濃香芝士，個餡幾好味。 點擊圖片放大 再叫個甜食《Banane Flambee》($72)，黎到之後店員就問聲Are you ready，就一倒哂著哂火既酒落去，成條火柱咁燒住好壯觀。 燒完之後，食落陣焦糖味同酒味好出，香蕉火燒過有焦糖更脆身，雪糕依然夠凍，加埋提子同Crepe一齊食，呢個真係三聲就食哂。 店名：Springfields 地址：中環擺花街11號地鋪 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +4
