行過好多次都想試既小店，雖然門口唔起眼不過次次行過都見到好多人食，夜夜地經過一於試下佢，小店形式經營，食既都係街方，價錢都幾公道。 店內有好多特別既裝飾，最得意係有幅中式既對聯貼住左，同埋有好多色彩豐富既風景畫，仲有好多放大版既啤酒蓋。 晚餐有跟餐湯，羅宋湯都幾濃，而料都好豐富，啖啖都食到湯料。 前菜我地揀左《白酒藍青口》($58)，呢個價錢食到真係好抵，藍青口唔算好大隻不過份量真係好足，白酒陣味再濃少少就更好食。 晚餐有得揀《溫泉蛋黑松露卡邦尼意粉》($88)，又係超大份吉穿個溫泉蛋蛋汁流哂出黎，驚喜係個汁好香好濃唔會稀到水咁，配上埋黑松露好惹味。 點擊圖片放大 +2 見枱枱都叫《德國咸豬手》($158)，無理由唔食既，酸菜有三種，薯蓉打得超幼滑同好香牛油味，點埋附餐既醬汁更好食。豬手勁大份量，一咬個皮勁脆卜卜聲，肉質唔靭咸香味十足，兩個食完勁飽。 餐飲加錢叫左《朱古力脆脆沙冰》，沙冰打得好細唔會食到一舊大大舊既冰，朱古力味都好濃，加上忌廉更幼滑。 店名：Route 83 地址：大埔廣福道83號地舖 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +3
