好耐無食過炸雞喇,一班朋友聚會好地方,野食份量超大一齊食就岩哂,入去時都見到好多一大班一大班人係度食仲聽到後面台係韓妹添。 環境都幾大,不過坐埋都覺得有少少迫,人同人既距離太近,前後面講咩都聽到哂。不過頭頂啲吊燈好靚,同成間餐廳都用木做主題。 點擊圖片放大 另外牆身都有唔少壁畫,好似畫左韓國好多既GS25便利店,或者係周街都有既Cafe,最得意係個壁板上面畫左好多唔同野食。 無骨炸雞有三款叫左《醬油炸雞》($158),炸雞配上兩舊粟米同薯仔,烤得夠入味,炸雞炸粉夠薄入面仲係嫩滑夠juicy,本身醬油甜甜地唔會乾爭爭,配埋蜜糖芥末喇、沙律喇、醬油同甜辣既四式醬一齊食更惹味。 超miss既《豬腳》($240),切開哂一份份超方便食,眼見真係超多舊,食落真係不得了,點食都有,真係食好多骨膠原落肚呀,仲灑上左芝麻同有好多配菜係旁邊一齊食。 點左杯《Cookie and Cream Smoothie》($58),成杯都好朱古力呀,上面仲有大大塊Oreo可以食。 店名:Bingo & Cook 地址:銅鑼灣駱克道487-489號駱克駅2樓 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +2