旺角新發現文青新蒲點，有好多正品牌既野賣仲有超悠閒地方狂Hea，不過得十零個位唔好一窩蜂去哂留番個位俾我。 一入去左右兩邊都放左唔同既商品，有皮革有錶，好多都係自製或者小店入口既貨品。 入面仲有一啲小物賣，好似頸鏈餐具都有，餐具既花紋好靚好有特式。 食物飲品全部都係係呢度出品，店仔少少所以提供既食物都唔係太多，座位有自然光照入黎，加上木系裝飾成個感覺好舒服。 上面用上左鎢絲燈加上木裝飾，成個感覺古老得黎又夠特別。 餐牌都唔求其，用上乾既葉做成，加上好有文學氣息既字體。 岩岩過去星期六既限定《紅絲絨卷蛋》，無人造色素只用牛奶白醋酸性材料撞上可可粉就變紅色，再加上超軟滑既Kiri乳酪，唔怪得我去到得番最後一舊。 日常Menu都有《烈日窩夫配雪糕》($48)，窩夫脆卜卜加埋蜜糖一齊夠香甜，仲有好特別加上粉紅胡椒既果醬，配上Dreyer's雪糕超夾。 點擊圖片放大 咖啡迷要叫番個《Affogato》($40)，咖啡香氣已經好正，帶少少酸味配上甜甜既雪糕球aftertaste都留好耐。 《桂圓杞子菊花飲》($40)，淨係睇到都超足料，花香味重又有益。 走既時候見到度門貼左好多相，打開後面係一個小花園，種左幾盆小植物大家都可以去欣賞下。 店名：上物 地址：旺角西洋菜南街152號一樓 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌:
