一二三三二一，足足要食夠十層佢，今次決定食豪啲啲，要去一試呢個大層海膽杯。仲有好多特色野食，堅火燒壽司，正爆串燒。 餐廳細細間好有Feel，掛左好多香港景色既畫，好有特色又好靚。 用左螢光版寫哂推介，易睇又吸晴。 店仔少少但係用具都好靚，好有日本特色。 點擊圖片放大 足足有十層既《特級S2海膽杯》($398)，食過面頭咸香既燒白飯魚脆片之後你就坐定定等我話你知呢一小杯入面居然裝左咩，黑魚子，三層北海道紫海膽，沖繩海葡萄，吞拿魚拖羅蓉，三文魚子，白蝦，松葉蟹肉，海帶碎。 想食沙律中和下《牛油果帆立貝洋風沙律》($168)，酸酸甜甜既醬汁，加埋大片新鮮帆立貝。 點擊圖片放大 +2 用真火焰燒既《S2特色火焰卷》($148)，店員先淋酒係底，再用火槍燒到起火，放你面前用火不停咁燒住佢，面頭芝士都溶哂更好味。 串燒有《和牛串》($48)同《柚子燒白鱔》($88)，燒得勁香，尤其係白鱔真係堅好味加上少少柚子更清新。 本身係雞翼愛好者，居然有《清酒鮑魚雞翼》($78)，成隻鮑魚釀入去雞翼度超豪氣。 仲有一份《紫芋年糕》($48)，皮夠煙韌入面加上好香既紫芋。 店名：S2 Kitchen 地址：中環威靈頓街51號地下A舖 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌: 點擊圖片放大 +5
