甜品控出沒，又到星期六，放假去hea兼食甜品既時間又到，新推出三到五點有勁大份量tea set。 之前已經黎過食晚餐，感覺食物都幾高質同睇得出細心，所以encore番轉tea。環境依舊闊落，仲會有房仔俾一班朋友仔gathering。 擺盤勁靚用上雲石盤，就咁拎起都已經覺得好重，加上白色雲石感覺好grand見到都覺得high tea高格調啲。 超精緻咁灑上左店名，睇落成個真係超有心思。 試左咸點《海膽三文魚籽冷麵》，放左幾舊既海膽上面，加上有咬口既三文魚籽，其實本身配搭已經咸味重，所以記得要少D汁唔係會好咸。 《Parma Ham蜜瓜》，呢個真係一定要食，甜甜既蜜瓜加上Parma Ham真係無得輸架。 《黑松露多士》，一聞到已經超香，食落勁多芝士加上黑松露咸香味重，加上包面烤得香脆更有口感。 甜點方面《Brownie》朱古力味濃郁，朱古力迷既我緊係唔會放過。 《綠茶卷蛋》茶味較清香，做成間條好靚。 《泡芺》夠脆，入面加上cream又唔好好漏，面頭放上好靚既花仲要食得架。 《馬卡龍》粉色好靚，岩哂女仔，帶有果香味既果醬。 仲有酥皮底既《芒果蝦莎莎》，食落酥皮味太搶，搶走左蝦既鮮味同芒果果香味。 店名: 吃吧 Chiba 地址: 旺角彌敦道566-568號僑健大廈2樓2室 即刻入去Like & Share埋我地既其他頻道喇 Facebook: KJFOODLIFE飲食玩樂地圖 Instagram: KJFOODLIFE Website: KJFOODLIFE飲食玩樂地圖 Openrice: KJFOODLIFE Ublog: KJFOODLIFE飲食玩樂地圖 歡迎報料同合作: Email: kjfoodlife@gmail.com Mobile: 63525193 餐牌:
