台灣有好多由糖倉轉型為文創藝術特區既地方 高雄最代表既一定係駁二 一行入去地方真係超級大 除左有展覽仲有好多文創商店進駐 可以睇到一大片草地參觀以前既火車 慢慢行都已經可以行全日 經高雄友人介紹要去呢間Cafe 誰不知行呀行行到就盡頭先見到 一個好低調既小圓圈招牌就係門口 一入去就嘩左聲 樓低好高走懷舊工廠風 感覺好舒服可以hea成日 除左有唔同擺設外 好鍾意呢句老人與海出處既名句 咖啡備受推薦 係同世界冠軍得主有合作既出品 今次試左耶加雪菲(NT240) 包左一杯espresso同一杯latte 一飲咖啡豆酸度好出但有陣陣既花果香味 Tea又點少得食件蛋糕 酒漬櫻桃巧克力(NT65) 唔好睇佢成件朱古力 唔會好甜又唔會好漏 加上櫻桃酸酸甜甜 食完一啖忍唔住食多啖 店名: NOW & THEN by nybc 地址: 台灣高雄市鹽埕區2號駁二藝術特區大義倉庫C9-19 #kjfoodlife去旅行 #kjfoodlife台灣 #kjfoodlife高雄 #kjfoodlifecafe KJFOODLIFE飲食玩樂地圖 Instagram / Facebook: kjfoodlife Openrice: https://www.openrice.com/zh/restaurant/userinfo.htm?userid=58362902 Ublog: https://blog.ulifestyle.com.hk/blogger/kjfoodlife/ Tumblr: https://kjfoodlife.tumblr.com/ 吃吧78: http://kjfoodlife.chiba78.com/
