今朝一早就同kiwi仔係屋企整蒸蛋糕仔呀! 材料: 金象牌杏仁味蒸蛋糕預拌粉 125g 雞蛋 兩隻 用具: 大碗，匙羹，筷子，矽膠蛋糕模，蒸架 製作方法: 1.先準備好沸水同蒸架。 2.係大碗中倒入蛋糕預拌粉，再加入兩隻雞蛋搞匀。 3.打發攪拌好就會變成糊狀。(此部份係kiwi仔負責。) 4.將糊狀倒入矽膠蛋糕模約8成滿。 由Kiwi仔小心地倒糊狀物入矽膠模內。 5.最後就係放入蒸架上蒸15-20分鐘。 (請根據蛋糕模大小適當地調整蒸煮時間。) 第一底蛋糕仔未影得切相已經比kiwi仔同爸爸食晒≥3≤好彩我仲有蒸多一底呀^^ 我覺得呢隻金象牌蛋糕味預拌粉味道幾好，又唔會太甜。而且製作過程一啲都唔複雜。好啱屋企無焗籠但又想整蛋糕既朋友!連4歲既kiwi仔都可以自己做到呀! 各位爸爸媽媽，不妨趁住呢幾日假期同小朋友一齊係屋企整下蒸蛋糕呀!
