之前淘寶淘左一大堆勞作同Kiwi仔一齊做，從而減少接觸到睇電視既時間，成效顯注。而家每日阿仔都會主動叫我陪我一齊做勞作，而唔選擇睇電視! 今日就同佢整十二生肖紙碟貼畫。 一盒材料有12隻彩色紙碟，圖樣，仲有贈送一券雙面膠紙(漏左無影!) 我仲淘左呢枝改錯帶式既雙面膠，用法就好好似改錯帶咁一拉，筆頭就會有雙面膠拉出。嘩!!真係超級好用，好方便，又唔怕小朋友整到一手都膠水笠痴痴，而且黏貼力強，確係做剪貼既好幫手! Kiwi仔小心地取下圖樣。 再貼上圖樣係適當地方，當然可以比自由發揮隨意設計! 經過一輪撕撕貼貼已經完成得七七八八喇! 大功告成之後，我仲同kiwi仔講左一個關於龍點解頭頂會有一對角既小故事，佢仲要我講幾次比佢聽^o^雖然你可能會覺得紙碟既勞作貌似簡單，但其實係可以訓練小朋友手眼協調，色彩圖形認知。爸爸媽媽陪住佢做小手工，我相信小朋友一定會好開心姐!
