今日同Kiwi仔去戲院睇完鬼靈精怪大酒店3之後就去左三聯書局買左呢本“每天一個勞作遊戲-交通”返屋企!仲有其他款式架，$50本。 我本身係好鍾意做勞作架，所以從小已經培養kiwi仔多啲接觸呢方面既野^^上年更有幸獲得幼稚園幼兒班親子環保復活蛋比賽既冠軍呀，實在好驚喜\^o^/ 奇異媽媽kiwi仔之後都要繼續努力先得! 學校頒發既得獎證書。 我地既親子環保復活蛋♡^_^♡ 見笑了! 好喇好喇!係時侯講返今日買既呢本勞作書先! 書內有45種小勞作，書中既交通工具及公仔都好吸引呀! 附上彩色圖樣，印刷鮮明，易於製作。 製作步驟十分清楚，連小朋友都容易掌握得到! 製作過程完全無用過剪刀，只要跟住書上既紙樣撕出黎就搞掂喇! 紙樣取出後就進入第二個步驟，就係將印係紙樣上既黑線摺痕摺好。 第三個步驟就係灰色黏貼處塗上漿糊。 黎到最後一個步驟，係每一黏貼處都印有號碼，小朋友只要將相同號碼黏貼埋一齊就得架喇!(例如將黏貼處1同另一方黏貼處1痴埋便可)，令製作過程更簡單化。小朋友亦可從中對數字號碼加深認識。 !完成品!由kiwi仔一手一腳製作既校車紙模型已經完成喇!阿仔仲話係magic school bus!如果小朋友年齡比較細既話，爸媽不妨幫手一齊製作，享受親子時光。最後提醒一下，因為始終係紙造，小朋友記得要溫柔對待紙模型呀♡^_^♡
